اسلام آباد ۔ 5 مارچ (اے پی پی) پیسریگیں مزن وزیر محمد نواز شریف ءَ گوشت کہ انتخابی نشان پلتگ مارا ھلاس کنگ مہ بوت،مئے امیتواراں سرگودھا ءِ پژمو گچینکاری ءُُ سینیٹ گچینکاری ءِ تہ انتخابی نشان ءِ ابید ھم سوبمندی زراتگ، سینیٹ گچینکاری ءَ زرکارمرز بوتگ انتءُُ ایشی ءِ ھساب ءُُ کتاب بیگ لوٹیت۔اے نیمگا من ءَ حکومت ءُُ گلے ءِ پاگواجہی ءِ ھاترا نابود قرار داتگ ءُُ دومی نیمگا راج بود قرار دیگ انت،آں گوشگ انت کہ مئے لیڈر ءِ نواز شریف انت۔یکے ووٹ ءِ ھم سینیٹ ءَ نہ بوھوکیں گل ءَ را سینیٹ ءَ امیتوار اوشتانگ ءِ ھق نہ بوھگ لوٹیت،کجام ھم گلے یک باسک ھم اُودا صوبائی اسمبلی ءَ نہ بوت ،ایشی ءِ نیمگا چہ اُودا سینیٹ ءِ ھاترا وتی امیتوار اوشتانگ دھاندلی ءِ پدر انت ایشی ءِ پٹ ءُُ پول الم انت۔اے سسٹم بدل بوھگ لوٹیت ءُُ زرانی لیئب ءَ ھلاس کنگ بیت۔دوشمبے ءَ ھسابداد عدالت ءِ دیما میڈیا ءِ گوما گپ ءُُ تران کنان ءَ پیسریگیں مزن وزیر ءَ گوشت کہ ماضی ءَ ھم اے رنگ ءَ بوھگ اتنت ۔ مئے گوما اے سلوک بوھگ انت کہ مار ءَ گچینکاری نشان ھم واتر گرگ بوتگ ءُُ سینیٹ ءِ ھاترا مئے امیتوار مئے نشان ءِ ابید گچینکاری ءَ بہر زوراتگ، ووٹ دیوکیں باسکاں را نشان ءِ ابید مئے امیتوار انی پجار ءَ باز جنجال بوتگ اے مزنیں زوراکی انت۔ محمد نواز شریف ءَ گوشت کہ پاکستان مسلم لیگ (ن) ءِ امیتوار ءَ سرگودھا ءِ تہ کمو ءُُ گیش 20ہزار ووٹاں گوں سوبمندی گپتگ،اُودا مئے امیت وار ءَ مئے نشان شیر نیست ات،ایشی ءَ چہ مئے نشان ھم پلگ بوتگ ءُُ پک اپ ءِ نشان دیگ بوتگ، ایشی ءِ ابید آں 20ہزار ووٹ ءِ برزتری ءَ گوں سوبمند بوتگ انت۔ محمد نواز شریف ءَ گوشت کہ راج انوں سرپد بوتگ ات کہ پاکستان مسلم لیگ (ن) ءِ گپ اصولی ءُُ راست انت۔راج ءِ لوٹ انت کہ آہانی ووٹ ءِ عزت کنگ بیت ءُُ اے اوگام وت اشکنگ انتءُُ من ءَ ایشی ءَ وشی انت کہ پاکستان ءِ مھلوک سرپد انت۔زلم ءُُ زوراکی ءِ دیما اوشتگ باز اژدری انت،ہمہ کہ زوراکی ءِ دیما نہ اوشتگ انت ءُُ زلم ءَ سگگ انت آں وت مزنیں ظالم انت۔آہاں گوشت کہ انوں اے نہ چلیت ءُُ نہ مہ چلگ دیاں،اے مئے کلانی ملک انت،کسے یک مردم ءِ ملک نیست ات،آں وھد گوستگ کہ اے22کروڑ مھلوک ءِ راض ءَ وتی مرضی ءَ برانت، آں میش ءُُ بزآنی وڈ ءَ ھلائیینگ بنت۔مہ اوشتاتگ اوںءُُ قربانی دیگ انت ،اے انگو من ءَ حکومت ءُُ گلے سروکی ءِ ھاترا نابود قرار دیگ انت ءُُ دومی نیمگا راج من ءَ بود قرار دیگ انت۔من ءَ وزارت عظمیٰ ءِ ھاترا نابود قرار دیگ ءِ پیسلہ راج ءَ پیسری روچ ءَ رد کت۔آہاں گوشت کہ مہ 70سال اے وڈ ءَ گوازینتگ انت،آیوکیں 70سال ہمے رنگ ءَ گوزگ نہ بنت ءُُ ایشی ءَ پی میدان ءَ اوشتاتگ اوں ءُُّ پاکستانی راج مئے گوں اوشتاتگ انت چہ ایشی ءَ پاکستان ءِ راج ءِ منت ءَ گراں۔
