سبی۔04مارچ( اے پی پی)صدر مملکت ممنون حسین ءَ گوشت کہ بُنجاھی حکومت بلوچستان ءَ را دومی صوبگ آنی ھم کچ ءَ دیمروئی دیگ ءِ واستہ گامگیج چست کنگ ءَ اِنت، سی پیک ءِ روبرکتی روٹ ءَ یک انچ ءِ ھم مٹ ءُُ بدلی کنگ نہ بوتگ اے منصوبگ ءِ دُرستاں چہ گیش نپپ بلوچستان ءِ الس آناں بیت، ایمنی ءِ گہتری ءَ چہ سبی میلہ ءَ مردم آنی بھر زوری ایشی ءِ تچکیں درور اِنت سبی میلہ ءِ ارزشت ءِ اندازگ بابایت راج محمد علی جناح ءُُ بلوچ سروک میر چاکر رند ءِ بھر زوری اِنت۔ اے ھیالانی درشانی آئی ءَ یک شمبے ءِ روچ ءَ سبی میلہ ءِ گڈی مراگش ءَ بلدیاتی کنونشن ءَ گوں گشتانک دیان ءَ کت۔ مراگش ءَ گورنر بلوچستان محمد خان اچکزئی ،صوبائی وزیربلدیات میرغلام دستگیربادینی ،صوبائی وزیرلائیوسٹاک سید آغا رضا ،سیکرٹری بلدیات،کمشنر سبی ڈویڑن سہیل الرحمن ،ڈپٹی کمشنر سبی زائد ناصر ،چیئرمین میونسپل کمیٹی سبی میرحیربیار ڈومکی ءَ ھوار ایندگر کارندہ آں بھر زوری کت۔
