اسلام آباد۔ 04 مارچ (اے پی پی) بُنجاھی وزیر توکی کار پروفیسر احسن اقبال ءَ گوشت کہ دیمروئی کنوکیں راج آنی اندر ءَ ڈھ ءُُ شور نہ بیت ناں کہ اے رنگ ءَ ملکی معشیت دیم ءَ جنزت کنت۔ یک شمبے ءِ روچ ءَ ادا جاڑی بوتگیں بیان ءِ رد ءَ آئی ءَ گوشت کہ عمران خان راج ءَ را اے بُگش کہ دیمروئی کنوکیں راج آنی اندر ءَ ڈاھ ءُُ شور نہ بنت ءُُ ناں کہ جاک کنگ ءَ چہ ملکی معشیت ءَ را دیم ءَ جنزیگ بیت۔ آئی ءَ گوشت کہ بھارت ءُُ چین سیاسی برجائی ءُُ پالیشی ءِ رچ ءِ بدولت ءَ مارا چہ دیم ءَ در اتکگ اَنت۔ آئی ءَ گوشت کہ خیبر پختونخوا حکومت ءِ چاگردی شوبگ ءَ کرد زیرو اِنت ءُُ ایشی ءِ کرد ءَ چہ پد عمران خان ءِ سرجمیں کول ءُُ کرار دورگ ءُُ بٹاک سہرا بوتگ اَنت۔ وزیر ءِ تہی کار ءَ گوشت کہ کجام ھم ملک ءِ دیمروئی ءَ را دارگ لوٹ اِت گڈا آھوادا اِچ شک نیست کہ عمران خان ءِ نمونگ ءَ را وتیگ بکن اِت گڈا دیمروئی اوشتیت۔
