بی آئی ایس پی ءِ بزگریں گس آنی زھگ ءُُ الس آناں شہری زانشت، ھک ءُُ کرد آنی بابت ءَ سرپدی ءِ واستہ پروگرام آنی رِچ ءِ بندات

اسلام آباد۔04 مارچ (اے پی پی)وزیر مملکت ءُُ چیئرپرسن بے نظیر انکم سپورٹ پروگرام ( بی آئی ایس پی) ماروی میمن ءَ بی آئی ایس پی ءِ بزگریں گس آنی زھگ ءُُ الس آناں شہری زانشت، ھک ءُُ کرد آنی بابت ءَ سرپدی ءِ واستہ پروگرام آنی رچ ءِ بندات کت۔ پاکستان ءِ نامداریں کارٹونسٹ بانُک نگار نذر ءَ بی آئی ایس پی ءِ بزگریں زھگ آنی واستہ یک الگیں بورڈ گیم ڈئزائن کتگ ایش شہری ءُُ زانشتی ھک ءُُ ایشانی کرد آنی سر ءَ جوڑ کتگیں کلوہ آناں شنگ کنت۔