اسلام آباد۔ 03 مارچ (اے پی پی)وزیرمملکت اھوالکاری ءُُ شنگ کاری ءُُ راجی مڈی مریم اورنگزیب ءَ گوشت کہ سینیٹ ءِ گچین کاری ءَ پاکستان مسلم لیگ ءِ نام ءَ را ڈن ءَ در کنگ بوت بلے ھما سیاسی گل ءِ گوما اللہ تعالیٰ ءِ زات، آئی ءِ فضل ءِ کرم ءُُ الس ءِ طاقت بہ بیت ، کجام ھم الیکشن ءِ تہ ءَ بھر زوری بکنت محمد نواز شریف ءِ باج برئی بیت۔ محمد نواز شریف کجام ھم جاھ ءَ روت الس رمگ آئی ءِ کش ءُُ کرا بیت چیا کہ آئی ءَ الس ءِ ازمت کتگ، دو سال گوزگ ءَ ابید محمد نواز شریف ءِ سر ءَ یک روپیگ ءِ کرپشن سہرا نہ بوتگ، جے آئی ٹی ءِ پیٹی ءَ اِچ در نہ کپت، عمران خان آئی ءَ وتی دروگیں این او سی ءِ پسو دیگی اِنت آ لاڈلا زیک وتی اسمبلی ءِ باسک آنی بھا بوھگ ءِ الزام ءَ جنگ ءَ اِنت، تحریک ءِ انصاف ءِ لیڈر وتی باسک آنی بھا بوھگ ءِ گوشگ ءَ اَنت، ھما مردم پارلیمنٹ ءِ سر ءَ لعنت روان دینت آ پارلیمنٹیریئنز ءَ را چے پھم اَنت، آیوکیں گچین کاری ءَ ایمپائر ءِ لنکُک نا الس ءِ ماتی لنکُک پیسلہ کنت، چیا کش اِت منا ءِ پسو اِنت کہ انگت منا بہ کش، پاکستانی الس ءِ واستہ یک راجدپتری گپ اِت کہ سینیٹ ءِ گچین کاری وھد ءُُ پاس ءِ سرءَ بوھگ ءَ انت ءُُ انشااللہ 2018ءِ لس گچین کاری ھم وھد ءُُ پاس ءِ سر ءَ بنت گڈا پاکستان یک شل ءَ دھ سال جمہوریت ءِ گوما سرجم کنت، عمران ءِ دو تل ءُُ دو پوستی ءُُ سیاسی دورگ ءُُ بٹاک یک رند ءِ پد ءَ راج ءِ دیم ءَ سہرا بوتگ، سرجمیں دگنیا ءَ چہ جمہوریت ءِ درور دیوک وت وتی ملک ءِ جمہورت ءِ شرپ ءَ پارلیمان ءَ ووٹ دیگ ءَ نیا اَنت، ھما مردم ءَ ووٹ ءِ شرپ ءُُ پارلیمان ءِ شرپ ءَ نہ کنت آ ھمے ووٹ ءُُ پارلیمان ءِ وسیلگ ءَ مزن وزیر جوڑ بوھگ ءِ واھشت ایگ اِنت، وت ووٹ دور نہ دنت وتی ووٹ ءَ را بے شرپی کنوک وتی پارٹی ءِ باسک آناں کجام شرم ءَ سینیٹ ءِ گچین کاری ءَ اوشتارین ایت، وتی چغلی ءُُ دو تل ءُُ دو پوستی ءِ سبب ءَ آ الس ءِ ووٹر آناں چے کلوہ دیگ ءَ اِنت۔ آ شمبے ءِ روچ ءَ پارلیمنٹ گس ءِ ڈن ءَ میڈیا ءَ گوں تران کنگ ءَ اَت۔
