اسلام آباد ۔ 03 مارچ (اے پی پی) وزیر مملکت برائے توانائی عابد شیر علی ءَ گوشت کہ پاکستان مسلم لیگ (ن) ءَ چہ ووٹ پلگ ءِ پندل کنگ بوتگ،ایشی ءَ چہ مزنیں دھاندلی دومی چے بیت،پارلیمنٹ ءَ دراھیں ادارگءَ رکھت انت۔ہفتگ ءَ پارلیمنٹ ہاو س ءِ دیما میڈیا گوں گپ ءُُ تران کنان ءَ گوشت کہ تھرڈ ایمپائر ءِ نیمگا چاروکیں اے جمہوری سسٹم ءَ ڈی ریل کنگ انت، نواز شریف ءِ محبت ہمہ کہ راج ءِ تہ انت ایشی ءَ کسے کمیں کت نہ کنت،ایشی ءِ پسو راج 2018ءِ گچینکاری ءَ دنت۔ وزیر مملکت ءَ گوشت کہ مہ اے حق راج ءَ را داتگ انت۔لودھراں ءِ پژمو گچینکاری ءَ مردماں ایشی ءِ پسو داتگ،صوبگ بلوچستان ءَ مسلم لیگ (ن) ءِ حکومت بدل کنگ بوتگ،مروچی سینیٹ گچینکاری جمہوریت دژمناں پہ مزنیں پیسلہ کارایت۔ عابد شیر علیءَ گوشت کہ دُزءَ یلہ دیگ بوتگ،نیب ءِ تہ ایوکا نوازشریف ءَ گوشداری ءَ پہ پیش بوھگ انت،آہانی سرا یکے کلدار ءِ کرپشن انوں پدر نہ بوتگ۔وزیر مملکتءَ گوشت کہ ووٹرز ءِ ضمیرِ توار گوں نواز شریف انت۔یک نیمگا لہتیں تاگت پاکستان ءَ بدنام کنگ لوٹگ انت دومی نیمگا مسلم لیگ (ن) ءِ ووٹ ءِ رکھگ انتءُُ ملک ءَ معاشی تاگت جوڈ کنگ انت۔یک جستے پسو ءَ آہاں گوشت کہ مشاہد حسین سید ءِ سرا ہچ مزنیں بہتام ءِ نیست ات ،آں مسلم لیگ (ن) ءِ سینٹءِ امیتوار انت ءُُ اے سوبمند بنت۔
