لسبیلہ۔03مارچ( اے پی پی)اوتھل ءِ تہ کوچ ءُُ ٹرک ءِ میان ءَ ڈوکر ،زھگے ءُُ زالبولانی ھوار 6مردم بیران وھدیکہ 18مردم ٹپی بوتگ انت۔سرجمیں ھال ءِ ردا ہفتگ ءِ سہب ءَ بلوچستان ءِ دمگ لسبیلہ ءِ بنشہر اوتھل ءَ زیروپوائنٹ ءِ دمگ ءَ کوئٹہ ءَ چہ کراچی روکیں مساپر کوچ دیما آوکیں ٹرک ءَ گوں ڈوکر وارتگ چہ ایشی آسرءَ یک چکءُُ دو زالبولانی ھوار ءَ شش مردم بیران بوتگ انت وھدیکہ 18مردم ٹپی بوتگ انت،وئیل ءِ ھال رسگ ءَ پولیس ءُُ سیکیورٹی فورسز موہ ءَ ساڑی بوتگ انت ءُُ جون ءُُ ٹپی ءَ زوت نادراھ جاء ءَ دیم داتگ انت اُودا طبی کمک پھجارگ بوھگ انت۔بیران بیوکییں مردمانی تہ بی بی رابعہ خروٹ سکنہ کراچی،خوردا د بی بی سکنہ کوئٹہ ،خورجو سکنہ کوئٹہ،عبدالودود سکنہ کوئٹہ،حاجی محمد ،خالق داد ھوار انت وھدیکہ ٹپی آنی تہ مبارک دین،حاجی شیر جان،سرور،محمدخان،نیاز محمد،بی بی حوا،یار محمد،باران،نعمت اللہ،عبدالعزیز ،محمد ہاشم،غلام فاروق،محب اللہ ءُُ دگہ مردم ھوار انت۔
