کہوٹہ ۔03 مارچ (اے پی پی) مزن وزیر شاہد خاقان عباسی ءَ راولپنڈی کہوٹہ دگ ءِ دو کشک کنگ ءِ منصوبگ ءِ بُن ھشت ایر کت۔ منصوبگ ءِ چیر دستی ءَ راولپنڈی، کہوٹہ سڑک ءِ گہتری ءُُ مرمت ھم کنگ بیت۔ منصوبگ ءِ 28کلومیٹر دراج بُریں سیکشن ءِ دو بھر آنی تہ ءَ کنگ بوتگ۔ اولی بھر ءَ کاک پل ءَ چہ تریکھیاں ءَ تاں 16.5 کلومیٹر دراج بُریں سیکشن ھوار اَنت۔ دومی بھر تریکھیاں سے کہوٹہ تک 12 کلومیٹر دراج بُریں سیکشن جوڑ کنگ بیت۔ منصوبگ ءِ چیر دستی ءَ سہالہ بائی پاس، کہوٹہ بائی پاس ءُُ تین پل ھوار اَنت۔ ایشی ءَ ابید یک انڈر پاس ءُُ 50 کسانیں پُل ءِ جوڑیشت ھم ھوار اَنت، ایشی ءَ ابید منصوبگ ءِ سرءَ دُرستی 12 ارب کلدار ھرچ کنگ بنت ایشی ءِ تہ ءَ زمین ءِ نیاد ھوار اِنت۔ راولپنڈی، کہوٹہ روڈ راولاکوٹ ءُُ کوٹلی ءَ چہ اسلام آباد ءَ تاں لُکوکیں کشک اِنت ءُُ سٹک ءِ دو کشک ءُُ پراھ ءُُ شاھیگان بوھگ ءِ سبب ءَ الس ءِ آسراتی ءُُ سپر آسان بیت۔
