اسلام آباد ۔03 مارچ (اے پی پی)مزن وزیرشاہد خاقان عباسی ءِ سینٹ الیکشن ءَ ووٹ دور دیگ ءِ واستہ قومی اسمبلی ءِ کوٹی ءَ پُجگ ءِ پد ءَ باسک آں وش اتک کت۔ شمبے ءِ روچ ءَ مزن وزیر شاہد خاقان عباسی ووٹ دور دیگ ءِ واستہ قومی اسمبلی ہال کہ ایشرا سٹیشن ءِ درجگ دیگ بوتگ ات، ایشی ءِ تہ ءَ پُترت گڈا بُنجاھی وزیر ءُُ باسک آں ایشرا وش اتکے گوشت۔ اے موہ ءِ سرءَ مزن وزیر ءُُ اسمبلی ءِ باسک آنی نیام ءَ جوانیں گند ءُُ نند ءُُ تران بوت۔ مزن وزیر شاہد خاقان عباسی ووٹ دیگ ءَ پد پیپلز پارٹی ءِ سروک سید نوید قمر، اے این پی ءِ سروک حاجی غلام احمد بلور ءُُ آفتاب احمد شیر پاؤ ءَ گوں گند ءُُ نند ءِ واستہ آئی ءِ سیٹ ءِ سر ءَ شت ءُُ ھیال ریچی کت۔ سینٹ ءِ امیت وار مشاہد حسین سید، اسد جونیجو ءُُ ایندگر آں مزن وزیر ءِ گوما پولنگ ءِ کوٹی ءَ اکس ھم کش اِت۔
