اسلام آباد۔2مارچ(اے پی پی) احتساب آمیدگسءَ مزن وزیر محمد نواز شریف ءُ آئیءِ جنک مریم نواز ءُ راجی اسمبلی ءِ باسک کیپٹن (ر) محمد صفدر ءِ ھلاپءَ جم کتگیں ریفرنس آنی گوشدارگ تاں دوشمبے ءِ روچءَ مھتل کتگ۔ آمید گسءَ ایون فیلڈ ریفرنس آنی تہا بیان قلم بند کنگءِ ھاترءَ استغاثہ ءِ گواہ واجد ضیاء ءَ را 8مارچءَ لوٹ اِت۔ جمعہءِ روچءَ احتساب آمید ءِ جج محمد بشیر ءَ ریفرنس ءِ گوشداشتگ۔ اے موھءَ پیسرگیں مزن وزیر محمد نواز شریف، مریم نواز ءُ کیپٹن (ر) محمد صفدر آمید گس ءَ پیش بوتگ۔ کیسءِ گوشدارگءِ موھءَ آمید گسءَ استغاثہ ءِ گواہ سنیل اعجاز، عبدالمنان ءِ بیان نبشتہ کتگ۔ کیسءِ گوشدارگءِ وھدءَ پیسرگیں مزن وزیر ءِ وکیل خواجہ حارث ءَ استغاثہ ءِ گواہ آنی بیانءِ سرءَ جرح سرجم کتگ۔ آمید گس ءَ کیسءِ گیش گوشدارگ تاں دوشمبے ءِ روچءَ مھتل کتگ۔ آمیدگسءَ بیان قلم بند کنگءِ ھاترءَ استغاثہ ءِ گواہ واجد ضیاء ءَ را ھم 8مارچءَ پیش بوھگءِ پرمان داتگ۔
