احتساب آمید گس ءَ محمد نواز شریف ءِ جے آئی ٹی ءِ سروک ءِ سئیں ریفرنس آنی تہا یکیں روچءَ بیان قلم بند کنگءِ دزبندی نہ منگ بوتگ
اسلام آباد۔2مارچ(اے پی پی )احتساب آمید گس ءَ محمد نواز شریف ءِ جے آئی ٹی ءِ سروک ءِ سئیں ریفرنس آنی تہا یکیں روچءَ بیان قلم بند کنگءِ دزبندی نہ منگ بوتگ ۔ جمعہ ءِ روچءَ احتساب آمیدگسءِ جج محمد بشیر ءَ کیس گوشداشتگ۔ اے موھءِ سرءَ پیسرگیں مزن وزیر ءِ وکیل خواجہ حارث ءَ وتی دلائل داتگءُ گشتگ کہ اسلام آباد مزن آمیدگس ءَ سئے ریفرنس آنی تہا یکیں گواہ ءِ بیان یکجاھ کنگءِ پرمان داتگ بوتگ، واجد ضیاء ءِ جتاھ جتاھ بیان بوھگءَ چہ مئے کیس نیزور بیت، گواہ باز بلدکار اِنت وتی بیانءَ گہتر کنت۔ کیس ءِ گوشدارگءِ وھدءَ نیب پراسکیوٹرءَ دزبندی کتگ کہ آمید گس پیسرگیں مزن وزیر محمد نواز شریف ءِ دزبندی ءَ مہ من ایت ۔ آمید گسءَ دلائل سرجم بوھگءَ پیسلہ محفوظ کتگ کہ پدا رندءَ پیسرگیں مزن وزیر محمد نواز شریفءِ دزبندی نہ من اِتگ۔
