سینیٹ گچین ءِ کوریج ءِ ھاترءَ ھال درءِ جیڑھءُ جنجال زوتاں چہ زوت ھلاس کنگ بہ بنت، چیف الیکشن کمشنر
اسلام آباد۔2مارچ(اے پی پی) چیف الیکشن کمشنر جسٹس (ر) سردار محمد رضا ءَ گشتگ کہ سینیٹ گچین کاری ءِ کوریج ءِ ھاترءَ ھال در ءِ جیڑھءُ جنجال زوتاں چہ زوت ھلاس کنگ بہ بنت۔ جمعہ ءِ روچءَ الیکشن کمیشن ءِ نیمگءَ چہ جاری کتگیں بیانءِ ردءَ چیف الیکشن کمشنر جسٹس (ر) سردار محمد رضاءَ سیکرٹری الیکشن کمیشن ءَ گوں جمعہءِ روچءَ گندءُ نند کتگ۔ اے موھءِ سرءَ چیف الیکشن کمنشر ءَ پنتءُ شون کتگ کہ سینیٹ گچین کاری ءِ کوریج ءِ ھوالگءَ ھال درءِ جیڑھ ءُ جنجال کہ است اَنت ایشاناں زوتاں چہ زوت گیش ءُ گیوار کنگ بہ بنت ءُ ھال درءَ را مدامی وڈءَ وتی زمہ واری پیلو کنگءِ اجازت دیئگ بہ بیت، انچو کہ گوستءَ سینیٹ گچین کاریءِ کوریج کنگ بوتگ۔ چیف الیکشن کمشنر ءَ گشتگ کہ ھال در الیکشن کمیشن ءِ ھاسیں شریدار ءُ مزنیں بھر اِت کہ سکیں محنتءُ جہدے ءِ گوما وتی کارءَ کنگءَ اِنت۔ آھاں ایچ وڈیں شکایت مہ بیت تنکہ آ سینیٹءِ گچین کاری ءِ کوریجءَ بہ کن اَنت۔
