بھارت ءَ گوزوکیں سال ءَ کنٹرول لائن ءُُ ورکنگ باونڈری ءِ سر ءَ 415 ءَ چہ گیش رند جنگ بندی ءِ ھلاپ کنگ بوتگ، 20کودکیں مردم شہید ءُُ 71ٹپیگ بوتگ، جارچین درئی کارانی کارگس
اسلام آباد ۔ 2 مارچ (اے پی پی) پاکستان ءَ بھارتی ڈپٹی ہائی کمشنر جے پی سنگھ ءَ را درئی کارانی کارگس ءَ گوانک جت ءُُ بھارتی فورسز آنی نیمگ ءَ ایل او سی ءِ سرءَ بھمبر/سماہنی سیکٹرز ءَ کور ءُُ کائی تیر گواری ءِ پد ءَ سک باز جاک کت۔ درئی کارانی کارگس ءِ جارچین ءِ رد ءَ یکم مارچ ءَ پنچ شمبے ءَ کنٹرول لائن ءِ سر ءَ بھمبر/سماہنی سیکٹرز ءَ بھارتی اُرد ءِ نیمگ ءَ کور ءُُ کائی مارٹرز ارش ءِ سبب ءَ کودکیں شہری مردم آناں نشانگ بندگ بوت ایشی ءِ سبب ءَ ڈھیری نیہالا گاوں ءِ بے کسوریں شہری ظفر اقبال ولد نور محمد شہید وھدیکہ ارش ءَ آئیِ زال ءُُ زھگ ٹپیگ بوتگ اَنت۔ ڈائریکٹر جنرل (جنوبی ایشیاء و سارک) ڈاکٹر محمد فیصل ءَ آدینگ ءِ روچ ءَ بھارتی ڈپٹی ہائی کمشنر ءَ را گوانک جنان ءَ بھارتی فورسز ءِ نیمگ ءَ کور ءُُ کائی تیر گواری ءِ سبب ءَ جوڑ کتگیں مسل آئی ءِ ھوالگ ءَ کت۔ درئی کارانی کارگس ءِ گوشگ اَت کہ ڈسپلین ءِ لوٹ ءَ ابید بھارت ءِ نیمگ ءَ جنگ بندی ءِ مُدام ھلاپ کنگ کنگ بوھگ ءَ اِنت۔ درئی کارانی کارگس ءِ گوشگ اَت کہ بھارت ءَ گوزوکیں سال ءِ بنداتی دو ماھ ءِ ساھت ءَ انوگ ءَ تاں کنٹرول لائن ءُُ ورکنگ باونڈری ءِ سر ءَ 415 رند ءَ چہ گیش جنگ بندی ءِ ھلاپ کتگ، ایشی ءِ سبب ءَ انوگ ءَ تاں 20 by کسور یں مردم شہید ءُُ 71مردم ٹپیگ بوتگ اَنت۔ جارچین ءِ رد ءَ بے کسوریں شہری نشانگ بندگ بوھگ ءَ انت، بنی آدم آنی شرپ ءُُ ازت ءِ لگ مالی اِنت۔ بھارت ءِ سر ءَ زور پر دیگ بوت کہ آ سیز فائر منوگری ءِ پاسداری کنان ءَ وتی فورسز ءِ منوگری ءِ پاسداری ءِ پابند بکن اَنت۔
