اسلام آباد۔یکم مارچ(اے پی پی ) مزن وزیر شاہد خاقان عباسی ءَ ملکی گیش بوتگیں آباتی ءِ آسراتی ءَ پیلو کنگءِ ھاترءَ آپی آسراتی ءِ جوانیں کارمرزی ءُ پلگارگ ءِ ھاترءَ صوبائی ءُ بنجاھی تک ءَ جوانیں گامگیج چست کنگءِ سرءَ زور پِرداتگ ءُ پنت شون کتگ کہ راجی آپی پالیسی ءِ مسودہ ءَ را صوبہ آنی گوما شورءُ صلہ کنگءَ گڈی دروشم دیئگ بیت۔ آئیءَ اے گپ مزن وزیر کارگس ءَ پنچ شمبے ءِ روچءَ راجی آپی آسراتی پالیسی ءِ مسودہ ءِ ھوالگءَ دیوانءِ سروکی کنانءَ کتگ۔ تہی کارانی وزیر، منصوبہ بندی ءُ دیمروئی پروفیسر احسن اقبال ، پٹی چیئرمین پلاننگ کمیشن سرتاج عزیز، وزیر مملکت بجلی سردار اویس احمد خان لغاری ءُ ھمگرنچیں بنجاھی سیکریٹری سینئر حکام ءَ ھم دیوانءَ ھوار بوتگ۔ ڈپٹی چیئرمین پلاننگ کمیشن سرتاج عزیز ءَ دیوان ءَ را راجی آپی پالیسی ءِ ھوالگءَ سرپد کتگءُ کہ انوگیں آپی آسراتی ءِ جوانیں انتظام ءُ پلگارگءَ را الم کنگ ، ھاسیں شہری ، توانائی ءُ وردنءُ وراکی پلگارگ ، ضلورتءَ پیلو کنگءِ ھاترءَ ساپیں آپءِ دست کپگ، معیارءَ را گہتر کنگءُ ماحولیاتی تکانسریءَ را دور کنگءِ ھاترءَ پالیسی فریم ورک جوڈ کنگءِ مولءُ مراد ءِ ھاترءَ پدر کنگ بوتگ۔ اے پالیسی مسودہ آپ ءِ زوال ءِ جیڑھءَ را گیشءُ گیوار کنگ، کسانیں ، درنیامی کد ءُ مزنیں کدءِ آپی ذخائر ءِ نیٹ ورک ءِ وسیلگءَ چہ آپ مُچ کنگءِ گنجاش ءَ را 14ملین ایکڑ فٹ ءَ چہ گیش کنگءُ کم چہ کم 28ملین ایکڑ فٹ کنگ، گیشاں چہ گیش کشار پیداک کنگءُ آپ ءِ کارمرزی ءَ را گیش کنگ، آپ کشی انفراسٹرکچر ءِ جوڈ ءُ صوبہ آنی شورءُ صلہ ءَ چہ راست دوست ءُ وتی اہداف ءَ را پدر کنگءِ سرءَ دلگوشی کنت۔ مزن وزیر ءَ پنتءُ شون کتگ کہ مسودہ پالیسی ءَ را صوبہ آنی گوما آھانی سرءُ سوج ءِ ھاترءَ شیئر کنگ بہ بیت تنکہ آئیءَ را زوتاں چہ زوت گڈی دروشم دیئگ بہ بیت۔ مزن وزیر ءَ صوبائی حکومت ءَ ڈپٹی چیئرمین پلاننگ کمیشن ءَ را پنتءُ شون کتگ کہ جیڑھءَ را یکجائی پاھدگ کونسل ءِ تہا آرگءَ چہ پیسر تپاکی ءِ ھاترءَ صوبائی حکومت آناں ھوار کنگ بہ بیت۔
