2020 ءَ تاں سی پیک ءِ بازیں منصوبگ سرجم کنگ بنت، اے میگامنصوبگ ءَ چہ پاک چین یکوئی آناں یک نوکیں لکا ءِ رسیت، سی پیک ءِ وسیلگ ءَ کراچی ءَ چہ پشاور ءَ تاں موٹروے ھم نوکیں نمونگ ءَ سرجم کن آں،
اسلام آباد ۔ یکم مارچ (اے پی پی) پاکستان ءَ چین ءِ سفیر یاؤو جینگ ءَ گوشت کہ 2020 ءَ تاں سی پیک ءِ بازیں المی ایں منصوبگ سرجم کنگ بنت۔ اے میگامنصوبگ ءَ پاک چین یکوئی آناں یک نوکیں لکا ءِ دیم ءَ داتگ۔ سی پیک ءِ وسیلگ ءَ کراچی ءَ چہ پشاور ءَ تاں موٹروے ھم نوکیں ڈولوے ءَ سرجم کنگ بیت۔ پنچ شمبے ءِ روچ ءَ ادا سی پیک ءِ ھوالگ ءَ مراگش ءَ گشتانک دیان ءَ چین ءِ سفیر ءَ گوشت کہ پاکستان ءُُ چائنہ ءِ مدام دوستی ءُُ یکوئی بوتگ اَنت ءُُ دوئیں ملک وت مہ وت شریں دوست اَنت۔ آئی ءَ گوشت کہ سی پیک منصوبگ ءَ چہ پاک چین یکوئی آناں یک نوکیں زرمبش ءِ رسیت۔ آئی ءَ گوشت کہ سی پیک ءَ چہ پیسر ھم ما جوانیں سنگت بوتگ اَنت۔ آئی ءَ گوشت کہ سی پیک منصوبگ ءَ چہ پاک چین یکوئی آناں نوکیں ھاٹیگ ءِ رستگ۔ آئی ءَ گوشت کہ سی پیک ءَ چہ پیسر سک بازیں نوکیں منصوبگ آنی سر ءَ یکجائی ءَ کار کتگ بلے سی پیک ٹوھیں منصوبگ اِت۔ 2020ءَ تاں سی پیک ءِ المی ایں منصوبگ آناں سرجم کنگ بیت۔ چینی سفیر ءِ گوشگ اَت کہ ما سی پیک ءِ چیر دستی ءَ سکالرشپ، ھیل کاری ءُُ جتا جتائیں سوشل سیکٹرز ءَ ھم پاکستان ءِ گوما کمک کنگ ءَ آں۔ سی پیک ءَ چہ ایوک ءَ ایشیائی ملک آناں نپ نہ رسیت بلکینگ ءَ سرجمیں دُگنیا ءِ واستہ سوبمند سہرا بیت۔ آئی ءَ گوشت کہ پاکستان ءِ کمک ءَ اے منصوبگ سرجمی ءِ سیم سر ءَ سر بنت۔ سینیٹر مشاہد حسین سید ءَ مراگش ءَ گشتانک دیان ءَ گوشت کہ سی پیک منصوبگ ءَ چہ معاشی ءُُ ھاٹیگ ءِ رنگ ءَ دُگنیا ءِ رنگ مٹ بیت ءُُ آیوکیں وھد ءَ پاکستان ءِ ارزشت گیش ود ایت۔ آئی ءَ گوشت کہ نوکیں سلک روڈ کامیاتی ءِ گوما دیم ءَ جنزگ ءَ اِنت۔ نوکیں سلک روڈ ءِ بے مٹیں معاشی نپ اَنت۔ آئی ءَ گوشت کہ جے سی سی ءِ گوستگیں دیوان ءَ سی پیک ءَ را گیش برجا کنگ ءِ واستہ تپاک کنگ بوت۔ مشاہد حسین ءَ گوشت کہ پنچ ہزار چائنیز سکالرشپ ءِ سرءَ پاکستانی نودربر اے وھد ءَ چین ءِ جتا جتائیں وانگ ءُُ زانگی دربر جاھ آں زانشت ھیل کنگ ءَ اَنت۔ وھدیکہ سی پیک ءِ وسیلگ ءَ کلچر ءُُ ھال رسانکی در آناں دیمروئی دیگ بیت۔
