راولپنڈی ۔ 28 فروری (اے پی پی) بُنجاھی وزیر دیمپانی انجینئر خرم دستگیرخان ءَ مرچی چار شمبے ءِ روچ ءَ ملٹری اکاؤنٹنٹ جنرل راولپنڈی ءِ کارگس ءِ تر ءُُ تاب کت۔ آھودا ملٹری اکاؤنٹنٹ جنرل ڈاکٹروحید احمد ءَ آئی ءَ را وش اتک کت۔ بُنجاھی وزیر ءَ را اے موہ ءِ سر ءَ سرجمیں بریفنگ دیگ بوت۔ آئی ءَ را گوشگ بوت کہ ھندی آڈٹ ءِ کنٹرولر ءِ چیر دستی ءَ آڈٹ ءِ کارگس مزنیں جوانی ءَ گوں کار کنگ ءَ اِنت۔ آئی ءَ را سرجمیں ملک ءَ چہ محکمہ ءِ کرد ءَ گیشی ءِ واستہ ملٹری اکاؤنٹنٹ جنرل ءِ نیمگ ءَ چہ جتا جتائیں بنگیج آنی بابت ءَ تران کت۔ وزیر ءِ دیمپانی ءَ ملٹری اکاؤنٹنٹ جنرل ءِ سروکی ءَ ٹیمب ءِ کوشست آناں ساڑات ءُُ کمیگ آنی ھلاسی ءُُ ادارگ ءَ را گیش برجا ءُُ جوان کنگ ءِ واستہ کمپیوٹرائزیشن ءَ را ساڑات۔ اے رد ءَ ملٹری اکاؤنٹنٹ جنرل ءِ نیمگ ءَ چہ چست کتگیں گام آنی توسیپ کت۔ وزیر ءِ دیمپانی ءَ ملٹری جنرل ءَ را پنت ءُُ شون کت کہ آ سلاھ بندیں ارد ءِ ریٹائرڈ بوتگیں مردم، شہید آنی جنوزام ءُُ اُردی یونٹ آنی اکاؤنٹس آنی ترندی ءَ گوں گر ءُُ دار بکن اَنت ءُُ ایشانی تہ ءَ زرّ آں زوت ءَ بھر ءُُ بانگ بکن اَنت۔
