اسلام آباد۔ یکم مئی ( اے پی پی) مزن وزیر محمد نواز شریف ءَ پوریاگرانی عظمت ءُ شر پ ءِ پلگارگ ءِ حکومتی جزم ءِ درشانی کتگ۔ پوریاگرانی میاں اوستمانی روچ کہ یکم مئی ءَ ملک ءَ ھوار سرجمیں دگنیا ءَ گوازینگ بوتگ اے موھ ءَ وتی کلو ھءِ تہا مزن وزیر محمد نواز شریف ءَ پوریاگرانی جدوجہد آناں داد ءُ سلام پیش کتگ ءُ زور پِر داتگ کہ پاکستان ءَ را دیم روئی، امن ءُ ایمنی ءُ وشھالی ءِ کشک ءَ رھادگ کنگ ءِ ھاترءَ وتی جوانیں کردءَ پیلو بہ کن اَنت۔ آئیءَ گشتگ کہ مے حکومت اقتصادی دیم روئی ءُ توسیع، روزگارآنی موھ ودی کنگ ءُ آھانی ھاندانی زند آں جوان کنگ ءِ پکہیں جزم ءِ سرءَ اوشتاتگ۔مزن وزیر محمد نواز ءَ گشتگ کہ یکم مئی ءَ ھمک سال پوریاگرانی میاں اوستمانی روچ سرجمیں دگنیا ءِ پوریاگراناں داد ُٗ سلام پیش کنگ ءِ ھاترءَ گوازینگ بیت کہ کجام ھم ملک ءِ چاگردی، اقتصادی دیمروئی ءِ ھاترءَ باز ارزشت دار ایت۔ آئیءَ گشتگ کہ مھکمیں، محنتی ءُ ہنر مندیں پاکستانی راج دیم روئی ءُ وشھالی ءِ تہا بازیں ارزشت دار اَنت۔ آئی ءَ گشتگ کہ من پوریاگرانی ھاسیں کہ راج سازی ءُ پاکستانءِ اقتصادی دیم روئی ءِ ھاترءَ ھاسیں کردءَ را شرپ ءِ چماں چار ایں۔ مزن وزیر ءَ گشتگ کہ آئی ءِ حکومت روڈنیٹ ورکس ءِ میگاانفراسٹرکچر ءِ منصوبہ ، موٹرویز ءُ توانائیءِ منصوبہ آں ھوار اقتصادی بحالی ءِ ایجنڈا ءِ عمل کنگ ءَ اِنت۔ مزن وزیر ءَ گشتگ کہ چائنہ پاکستان اقتصادی راہداری (سی پیک) یک سکیں مزنیں منصوبہ اِت کہ خطہ ءِ کروڑاں اُلس ءِ زند ءَ مٹ کنت۔ آئیءَ گیش گشتگ کہ اے دراھیں منصوبہ محنت ءُ جدوجہد ءِ جزبگ ءَ گوں بوت کن اَنت۔
