وتی تہذیبی مڈی ءَ گوں بندوک بوھگ ءَ را مھکم دارگ ءُُ بُرز ءُُ بالا کنوکیں راج ھمک رنگ ءَ کامیات بنت،
ورنا وشیں ازمکاری ءَ را نوکیں دور ءِ شوہاز ءُُ وتی ازم ءِ دیمرؤی ءِ کمکی رنگ ءَ کارمرد بکن اَنت
صدر مملکت ممنون حسین ءِ عبدالمجید پروین رقم راجی وش نویسی ءِ باج برئی ءِ گڈی سیشن ءَ گشتانک
اسلام آباد ۔ 28 فروری (اے پی پی) صدر مملکت ممنون حسین ءَ گوشت کہ وتی تہذیبی مڈی ءِ گوما بندوک بوھگ ءَ را مھکم دارگ ءُُ ایشی ءَ را بُرز ءُُ بالا کنوکیں راج ھمک رنگ ءَ کامیات بنت۔ تہذیبی کد ءُُ بالاد زانت ءُُ زانش، دود ءُُ ریبدگی ءُُ اقتصادی دیمروئی ءِ بنیات پُجارین ایت، ورنا وش نویس آنی ازمت ایوک ءَ آوانی جند ءِ واستہ سیت مند سہرا بنت بلکینگ ءَ اے راجی ازمت وطن دوست آنی زندمان ءِ ایندگہ شوبگ آناں ھم سیت رس ایت۔ ایشاناں نوکیں زمانگ ءَ وتی ازم ءِ کمک ءِ رنگ ءَ کارمرد کنگ لوٹ ایت۔ آ چار شمبے ءِ ادا عبدالمجید پروین رقم راجی وش وش نویسی باج برئی گڈی سیشن ءَ گشتانک دیگ ءَ اَت۔ مشیر ءِ مزن وزیر برائے راجی راجدپتر ءُُ ادبی ڈویژن عرفان صدیقی، بُنجاھی سیکریٹری عامر حسن، صاحبان علم ءُُ دانش، سفارتکار ءُُ ورنائیں وش نویس ھم اے موہ ءِ سر ءَ ساڑی ات۔ صدر ءِ مملکت ءَ گوشت کہ وش نویسی ءِ فن ءِ بے تاجیں بادشاہ عبدلامجید پروین رقم ءَ گوں سیادی داروکیں وش نویس ءَ اے پُرمڈائیں باج برئی ءَ ورنا آنی قلم ءَ چہ در کپوکیں وشیں ازمکاری ءِ درشانءَ چہ سما بیت کہ گوست ءِ جوانیں ازم مرچگیں پدریچءِ تہءَ آیان ءُُ ٹرانسفر بوھگ ءَ اَنت ءُُ ایشی ءَ چہ منی یکیم پکو بوتگ کہ مئے تہذیبی مڈی ءِ آیوکیں باندات سہرا انت۔ منا یکیم اِنت کہ مئے ورنا ئیں وش نویس اے شوبگ ءَ ملک ءُُ راج ءِ نام ءَ سہرا کن اَنت۔ صدر ءِ مملکت ءَ گوشت کہ پاکستان ءَ ورنا اے ازم ءَ گوں مزنیں دوستی دار اَنت ایشی ءَ سما بیت کہ نوکیں باھند دود ءُُ ربیدگ ءِ گوما زانشتی واھگ دار اَنت۔ آئی ءَ ورنائیں وش نویسا نی سر ءَ زور پر دات کہ نوکیں دور ءِ شوہاز آناں وتی ازم ءِ دیمروئی ءَ کمک ءِ رنگ ءَ کارمرد بکن اَنت۔ صدر ءِ مملکت ءَ وش نویسی ءِ اِزم واستہ عرفان صدیقی ءِ سروکی ءَ راجی راجدپتر ءُُ ادبی مڈی ڈویژن ءِ ازمت آناں ساڑات ءُُ اے امیت ءِ درشان کت کہ اے رنگیں جان سلامتی چست ءُُ ایر آیوکیں باندات ءَ ھم سرجمیں جوش ءُُ جوزگ ءِ گوما جاڑی دارگ بنت۔ ایشی ءَ چہ پیسر صدر ءِ مملکت ءَ وش نویسی ءِ باج بروک آناں داد بھر ءُُ بانگ کت۔
