اسلام آباد۔ 27 فروری (اے پی پی) صدر مملکت ممنون حسین ءَ گشتگ کہ پاک چین اقتصادی راہداری منصوبہ پاکستان ءُ چین ءَ ھوار اوگانستان ءِ ھاترءَ سک باز ارزشت داریت چیاکہ اوگانستان ءَ ھوار ماسکو ءَ چہ بہ گر وسط ایشیا ءَ خطہ باندات ءَ سک باز پاھدگ زُرت کنت۔ اے گپ آئیءَ سئے شمبے ءِ روچءَ ایوان صدرءَ پاکستانءَ تعلیم ھاصل کنوکیں اوگان نودربرانی سرءَ جوڈ کتگیں تامر ءِ دیم دراھی مراگشءَ گوں تران کنانءَ کتگ۔ مراگشءِ تہا چیئرمین ہائر ایجوکیشن کمیشن پروفیسر ڈاکٹر مختار احمد ءُ پاکستان ءَ اوگانستان ءِ سفیر عمر زاخیل وال ءَ ھم تران کتگ۔ ملک ءِ صدر ءَ گشتگ کہ اقتصادی راہداری ءِ رنگءَ پاکستان ءُ اوگانستانءَ ھوار دگہ ملک ءِ اُلس، ھاس ورناھ آنی ھاترءَ بے کساس موھ ودی بوھگءَ اَنت۔
