اسلام آباد۔24 فروری (اے پی پی) ملکی وزیر مریم اورنگزیب ءَ گشتگ کہ پاکستان ءِ دودءُ ربیدگ ءُ راجی میراث ءِ رکھینوکءُ پلگاروک ازم کار اَنت، میاں اوستمانی تک ءَ ملکءِ جوانیں پجّارءِ درشانی ءَ کنوکانی تہا ازمکار بنکی کرد پیلو کن اَنت، گوستءَ مئے روژنائیں دودءُ ربیدگءَ را کم نظری ءِ تہا مٹ کنگءِ کوشست کنگ بوتگ، مئے دودءُ ربیدگ ءَ را ڈلگچار کنگ بوتگ، ملک ءِ تہا ناشرکاری ءِ سوبءَ پاکستان ءِ میاں اوستمانی پجّار آماچ بوتگ، پیسرگیں مزن وزیر محمد نواز شریف ءِ وژن ءِ ردءَ چست کتگیں گامگیج پاکستانءِ سلاھ بندیں فوج ءُ کانود ایر کنوکیں ادارگ آنی بے مٹیں قربانی آناں چہ ملک ءِ تہا امن ءُ ایمنی بوتگ، ملکءِ تہا امنءُ ایمنی ءِ سوبءَ فلمی صنعت ءَ بحال بوتگ کہ اے جوانیں گپ اِت۔
