کراچی۔25فروری (اے پی پی) ھالءُ اھیوالکاری ءُ شنگکاری ، راجی ورثہ مریم اورنگ زیب ءَ گشتگ کہ اقتصادی ر اہداری خطہ ءِ وشھالی ءُ دیمروئی ءِ یکجائی منزل ءِ لوٹ ءِ منصوبہ اِنت دوھیں ملک آنی اُلس ءِ ھمراھ داری ھاسل انت، چین پاکستان دوستی دونیمگی ھُبءُ واھگ ءِ سرءَ جوڈ اِنت، اے دوستی مئے راج دپتر ءِ ھاسیں بھرے جوڈ بوتگ، سی پیک پاکستان چین دودءُ ربیدگی ءِ ھم کوریڈور اِنت ، اے اُلسی تک ءَ نزیکی ءُ دودءُ ربیدگی ءِ نیامءَ دونیمگی نزیکی ءِ راھداری اِنت ، اقتصادی منصوبہ آنی سوبمندی ءِ ھاترءَ یکے دومی ءِ دودءُ ربیدگءَ را سرپد بوھگ المی اِنت، چینءِ گوما دودءُ ربیدگی من ءُ گر کنگ بوتگ کہ آئی ءِ ردءَ ملکی دودءُ ربیدگءَ ھوار تامور، تھٹر، پریس اینڈ پبلی کیشن ءُ دگہ پڑآنی تہا کمک گیش بیت، جمہوری دودانی تہا دودءُ ربیدگی سُرءُ پُر گیش بوتگ اَنت۔
