کراچی ۔ 25فروری (اے پی پی) ملک ءِ صدر ممنون حسین ءَ گشتگ کہ انوگیں بلدیں ءُ لائک اقتصادی ٹیم ءِ کردباز جوان اِنت، سیاسی جیڑھءُ جنجالانی است بوھگءَ ابید ھم حکومتءِ کردایچ کم نہ بوتگ، سیاسی تکانسری ملکءِ بیپاری چاگردءِ تہا اثر ایر نہ کنگ، کراچی ءِ بیپاری براتی ءِ جیڑھءُ جنجال زوت گیشءُ گیوار بنت، گوستیں لھتیں سالانی تہا دیمروئی ءِ مھکمیں بنیات ایر کنگ بوتگ۔ ملک ءِ صدر ءَ اے گپ یکشمبے ءَ کراچی ءِ بیپاری براتی ءِ ڈلءَ گوں گپءُ تران کنانءَ کتگ کہ آھاں نامداریں صنعت کار ءُ مسلم لیگی رہنما اشتیاق بیگءِ سروکی ءَ آئیءِ گوما گندءُ نند کتگ۔ صدر ءَ گشتگ کہ سیاسی تکانسری زوت ھلاس بیت۔ صدرءَ گشتگ کہ کراچی ءِ جیڑھُ جنجال ءَ را گیشءُ گیوار کنگءِ سرءَ ھاسیں دلگوشی کنگ بوھگءَ اِنت، سندھ ءُ کراچی ءِ ھاترءَ سیاسی پاھدگءَ آ دیم بوھگءُ کار کنگ ءِ ضلورت اِنت۔ کراچی دیمروئی کنتءُ پاکستان دیمروئی کنت۔
