راجی دیمروئی ءِ واستہ زالبول آنی وانگ ءُُ زانگ سرجم ءُُ برجم نہ اِنت، جنکیں زھگ وتی وانگ ءُُ زانگ ءِ شوبگ ءَ گیشاں چہ گیش زانت ءُُ زانش در بہ جن اَنت، بازیں گمراھیں چیز آں بد امنی پیداک کنان ءَ کراچی ءَ را سک باز تاوان رسینتگ، حکومت ءِ راستیں حکمت عملی ءُُ وھد ءُُ پاس ءِ سر ءَ گامگیج ءَ چہ کراچی ءَ ایمنی برجا بوتگ، کراچی شہر ءُُ پاکستان ءِ دیمروئی ءِ کشک ءَ را اِچ کس داشت نہ کنت، صدر مملکت ءِ بانک فاطمہ جناح ءِ جوڑ کتگیں خاتون پاکستان گرلز اسکول ءِ تر ءُُ تاب ءِ ساھت ءَ ھیالانی درشانی
کراچی ۔24 فروری (اے پی پی)صدر مملکت ممنون حسین ءَ گوشت کہ راجی دیمروئی ءِ واستہ زالبول آنی وانگ ءُُ زانگ سرجم ءُُ برجم نہ اِنت، جنکیں زھگ وتی وانگ ءِ شوبگ ءَ گیشاں چہ گیش زانگ ءُُ زانش در نہ جن اَنت، بازیں گمراھیں چیز آں بد امنی پیداک کنان ءَ کراچی ءَ را سک باز تاوان رسینتگ، حکومت ءِ راستیں حکمت عملی ءُُ وھد ءُُ پاس ءِ سر ءَ گامگیج ءَ چہ کراچی ءَ ایمنی برجا بوتگ، کراچی شہر ءُُ پاکستان ءِ دیمروئی ءِ کشک ءَ را اِچ کس داشت نہ کنت، صدر مملکت ءَ اے گپ مادر ءِ ملت بانک فاطمہ جناح ءِ جوڑ کتگیں خاتون پاکستان گرلز اسکول ءِ تر ءُُ تاب ءِ ساھت ءَ ھیالانی درشانی ءَ کت آھودا ایشرا اسکول ءَ جاڑیگیں زانت ءُُ زانشی کار ءَ ایشی ءِ تہ ءَ گہتری آرگ ءِ رد ءَ زندمان ٹرسٹ ءِ ازمت آنی بابت ءَ بریفنگ ھم دیگ بوت۔ اے موہ ءِ سر ءَ زندمان ٹرسٹ ءِ سروک شہزاد رائے، بُنجاھی ءُُ سندھ ءِ ٹوھیں کارندہ آں ابید کراچی ءِ است ءُُ مندیں مردم ساڑی اتنت۔ صدر ءِ مملکت ممنون حسین ءَ گوشت کہ ملک ءِ جیڈھ ءُُ پریشانی ءِ واکیہ مُدام بنت، ایشاں چہ ترسگ ءِ ضلورت نہ اِنت، استیں جاور آنی تہ ءَ زوت گہتری کئیت ءُُ ملک دیمروئی ءِ کشک ءَ رھادگ بیت۔ صدر مملکت ءَ گوشت کہ ہیومن ریسورس ڈیویلپمنٹ زانت ءُُ زانشت ءَ ابید بوت نہ کنت، گوستگیں زمانگ ءَ وانگ ءُُ زانگ ءِ شوبگ ءَ ھوار بازیں شوبگ آناں ڈلگچار کنگ بوتگ وھدیکہ نیشنلائزیشن ءَ چہ ھم بازیں رنگ ءِ جیڈھ پیداک بوتگ۔ آئی ءَ گوشت اے رنگیں جاور ھال آں چہ درکپگ ءِ واستہ وانگ ءُُ زانگ ءِ جندی شوبگ ءِ دیمروئی ءَ المی ایں کرد ءِ پیلو کت کنت وھدیکہ زندمانی ٹرسٹ ءُُ ایشی ءِ سروک شہزاد راے ءَ ھم اے رد ءَ لائک ءِ ستائیں کار کت۔ صدر ءِ مملکت ءَ اے موہ ءَ اسکول ءِ جتا جتائیں شوبگ آنی تر ءُُ تاب کت ءُُ اے ادارگ ءِ وانگ ءُُ زانگی کار رپک ءِ بابتءَ جست ھم کت۔ صدر ءِ مملکت اے موہ ءَ جتا جتائیں کلاس رومز ءَ ھم شت ءُُ زھگ آں گوں گپ ءُُ تران ءِ کت۔ آئی ءَ زھگ آناں پنت ءُُ شون کت کہ آ پاکستان ءِ دیمروئی ءَ وتی جوزگ آنی چیر دستی ءَ گیشا چہ گیش محنت ءَ گوں زانت ءُُ زانش ءَ در بہ جن اَنت۔ صدر ءِ ممنون حسین ءَ اے موہ ءَ مہمان آنی کتاب آنی سرءَ وتی ھیال ریچی ھم نبشتہ کت اَنت ءُُ اسکول ءِ زھگ ااناں سوگات پییش کت انت۔
