میاں اوستمانی منوگری ’’جوہری منوگری‘‘ ءَ چہ اقتصادی سیت نہ رست گڈا ایشی ءَ گوں دست کشی کناں، ایران

تہران ۔ 24 فروری (اے پی پی) ایران ءَ گوشت کہ اگاں میاں اوستمانی جوہری منوگری ءَ چہ لوٹ بوتگیں اقتصادی سیت مہ رس اَنت گڈا ایشی ءَ چہ دست کشی کناں۔ ایران ءِ نائب وزیر درئی کار عباس عراقچی ءِ نیمگ ءَ جاڑی بوتگیں بیان ءِ رد ءَ اگاں ایران ءِ جوہری منوگری ءَ چہ اقتصادی سیت مہ رس اَنت ءُُ مزنیں بینک آں تہران ءِ گوما جاور آنی چیر دیگ ءِ رچ جاڑی داشت گڈا آئی ءِ ملک 2015ءِ جوہری منوگری ءَ چہ دست کشی کنت۔ یات دارگ بہ بیت کہ 2015ءَ ایران ءُُ 6مزنیں طاقت برطانیہ، چین، فرانس، جرمنی، روس ءُُ امریکہ ءِ نیام ءَ منوگری سندگ بوتگ اَت۔ اے منوگری ءِ چیر دستی ءَ ایران ءَ را پابند کنگ بوتگ ات ککہ آ اقتصادی پابندی آناں چست کتگیں گامگیج ءِ رد ءَ وتی جوہری پرگرام آنی تہ ءَ کمی کنت۔ ادا اقوام ءِ متحدہ ءِ جوہری ھاٹیگ ءِ ادارگ آنی رد ءَ ایران 2015ءِ میاں اوستمانی منوگری ءِ وڑ ءَ کنان ءَ وتی جوہری پروگرام آناں کد ءُُ ماپ ءِ تہ ءَ بہ کنت۔