اسلام آباد ۔24 فروری (اے پی پی)پاک بحریہ ءِ آپریشنل مشق رباط 2018 کراچی ءَ بندات بنت، ایکسر سائز آںی بنگیجی سیشن ءَ وائس چیف آف نیول اسٹاف، وائس ایڈمرل کلیم شوکت ھاسیں مہمان اَت۔ اے ایکسرسائز 6 مارچ 2018 ءَ تاں گوریچانی زری عرب ءَ جاڑی دارگ بنت ءُُ ایشانی گڈ پاک بحریہ ءُُ پاک فضائیہ ءِ جنگی بیڑھ آنی نیمگ ءَ چہ فائر پاور ءِ درشان ءِ سر ءَ کنگ بیت، رباط سیریز ءِ ایکسرسائز روایتی ءَ چہ بگر تاں روایت ءَ چہ ڈن مٹ بوھوکیں ’’کثیر الجہتی‘‘ بیم آناں گر ءُُ دار ءِ واستہ پاک بحریہ ءِ جنگی گامگیج آنی پٹ ءُُ پول آنی درشان کنگ بیت، اے ایکسر سائز ’’بحیرہ عرب‘‘ ءِ پراھ ءُُ شاھیگانی ءَ پاک بحریہ ءُُ پاک فضائیہ ءِ یکجائی آپریشنز ھم ھوار بنت اِنت۔ ایکسرسائز آنی بنگجی سیشن ءَ گوں گشتانک دیان ءَ وائس چیف آف نیول اسٹاف ءَ پاک بحریہ ءِ جنگی تیاری ءِ سر ءَ زور دات ءُُ گوشت کہ یکجائی جنگی ایکسر سائز نوکیں جنگی حکمت عملی ءِ بنیات اَنت ایشی ءَ چہ ماتیں وطن ءِ دیمپانی ءِ واستہ ھیل کاری ءِ موہ رس اَنت۔ آئی ءَ ساڑیگیں مردم آنی سر ءَ زور پر دات کہ آ وتی دُژمن ءِ کساسی گیشتری یا گیش بوھوکیں رسانک ءَ چہ ترس ایگ مہ بے ھمے ھاترا اسلامی راجدپتر اے رنگیں واکیہ ءَ چہ پُر اِنت آھودا کسانیں مسلمانیں اُرد آں وتی گہتریں حکمت عملی، اللہ ءِ سر ءَ ایمان ءُُ وتی جائزیں مول ءُُ مراد ءِ رد ءَ وت ءَ چہ دو سرمستریں دُژمن ءَ را شکست داتگ۔ آئی ءَ اے امیت ءِ درشان کت کہ اے ایکسر سائز پاک بحریہ ءُُ پاک فضائیہ ءِ جنگی ءُُ سپورٹ، دوئیں شوبگ آنی واستہ کزبی رنگ ءَ سیت مند سہرا بنت۔ اے ’’مق‘‘ ءَ فییٹ کمانڈ ءِ جتا جتائیں یونٹس آں ھوار پاک بحریہ ءِ کوسٹل ءُُ لاجسٹکس کمانڈ ءِ یونٹس ھم بھر زوری کنگ ءَ اَنت۔ مشق آنی ساھت ءَ زرّئی ءُُُ بالی جنگی جہاز تاچی پڑ ’’فضائی بیڑہ‘‘ ءِ نیام ءَ کمک ءَ را گیش ودینگ ءُُ جنگی حکمت عملی ءَ را گہتر جوڑ کنگ ءِ سر ءَ ھاسیں رنگ ءَ زور پر دات۔ اے ایکسرسائز 6مارچ 2018ءَ تاں گوریچانی عربستانی زرّ ءَ جاڑی دات بیت ءُُ ایشی ءِ گڈ پاک بحریہ ءُُ پاک فضائیہ ءِ جنگی بیڑہ آنی نیمگ ءَ فائر پاور ءِ درشانی ءَ کنگ بیت۔
