تاپی گیس پائپ لائن منصوبگ ءَ چہ دمگ ءِ مھلوک ءَ یکجاھ کنگ ءَ کمک رسیت،چاگردی ءُُ اقتصادی دیمرئی بیت ءُُ ایمنی ءِ نپ ءَ چہ سرجمیں خطہ پائدگ چست کُت کنت
سی پیک خطہ ءِ ملکانی وت مہ وتی رھوت ءِ ودکی دات، گوادر کی بندن ءَ چہ اقتصادی کارانی آسر ءَ میانی ایشیاءِ ملکانی رھوت گیش کنگ بنت،سی پیک ءِ ردا موٹرویز ءِ جوڈ بوھگ ءَ چہ شاھدگ ءِ سبب ءَ رھوت ءَ دمگ ءَ معاشی دیمرئی ءَ کمک رسیت، پاکستانءِ تہ ءَ زرکاری ءِ مزنیں موہ ساڑی انت
اسلام آباد ۔ 23 فروری (اے پی پی) مزن وزیر شاہدخاقان عباسی ءَ گوشت کہ ترکمانستان ‘افغانستان ‘ پاکستان ءُُ بھارت (تاپی) گیس پائپ لین منصوبگ ءَ چہ دمگ ءِ مھلوک ءَ یکجاھ کنگ ءَ کمک رسیت،چاگردی ءُُ اقتصادی دیمرئی بیتءُ ایمنی ءِ نپ ءَ چہ سرجمیں دمگ پائدگ چست کُت کنت۔آہاں اے گپ جمعہ ءَ ترکمانستان ءِ سیمسری شہر سرحت آباد ءِ تہ ءَ تاپی گیس پائپ لائن منصوبگ ءِ ردا ،توان ءِ پھجارگ ءُُ آپٹکس ءِ منصوبگانی بنگیجی مراگش ءِ درگت ءَ تران کنان ءَ گوشتگ انت ۔ مزن وزیر شاہد خاقان عباسیءَ منصوبگ ءَ ارزشت دار پدر کنان ءَ گوشت کہ اے منصوبگ تیوگیں فریقانی ھاترا یک وڈیں پائدگ مند انتءُُ چہ ایشی ءَ سرجمیں دمگ ءَ پائدگ بیت۔آہاں گوشت کہ تاپی منصوبگ ءِ سرجمی ءَ ترکمانستان ءِ صدر قربان گل بردی محمدوف ءِ کرد ستا ءِ لائق انت کہ آہاں اے منصوبگ ءَ راستی ءَ بدل کت۔دمگ ءَ رجدپتری رھوت ءَ دیما اتکگ انت ،الحمدللہ تاپی منصوبگ ءَ یک راستی ءَ بدل بوھگ انت ءُُ یک راجدپتری موہ انت ہمہ کہ دمگ ءِ ملکانی سیادی ءِ عکاسی کنگ انت۔آہاں گوشت کہ ترکمانستان ‘افغانستان ‘ پاکستان ءُُ انڈیا تاپی منصوبگ ءِ شریدار انتءُُ ترکمانستان ءِ صدر قربان علی بردی محمدوف ءِ وژن ءَ گوں تاپی گیس پائپ لین منصوبگ ءَ انرجی ءُُ کمیونیکیشن کوریڈورجوڈ کنگ بوتگ چہ ایشی ءَ خطہءِ ملکانی دگ،ریل ‘توان‘ گیس ‘ آئی ٹیءِ ھوار دگہ لہتیں تک ءَ وت مہ وتی رھوت ءَ ودکی کئیت ءُُ خطہ ءِ تہ امن ءُُ ایمنی ءِ بحالی ءُُ معاشی ءُُ اقتصادی دیمرئی ءَ کمک رسیت۔آہاں گوشت کہ تاپی منصوبگ پاکستان ءِ توانائی ءِ ضلورت ءَ پیلو کنگ ءَ کمک دات۔مزن وزیر ءَ گوشت کہ اے منصوبگ ءَ چہ پاکستان ءِ تہ توانائی ءِ سرجمیں ضلورت ءِ10درسد پیلو کنگ ءَ کمک دات کنت۔چہ ایشی ءَ ملک ءِ تہ گیس ءِ مچ لوٹ ءِ20درسد ھاصل بیت ہمہ کہ 9ملین ٹن امپورٹ ءِ بروبر انت۔اے منصوبگ ءَ گوں پاکستان ءَ قدرتی گیس ءِ ضلورت ءُ دیمپانی ءَ یقینی جوڈ کنگ ءَ کمک رسیت،اے ایوک یک پائپ لین ءِ منصوبگ نیست ات ، اے وڈیں گیش منصوبگانی سبب ءَ توانائی ءِ وداتگیں لوٹانی پیلو کنگ بنت۔مزن وزیر ءَ گوشت کہ پاک چین اقتصادی راہداری منصوبگ میانی ایشیائی ملکاں پہ درستاں چہ ارزاں رھوت انت،ون بیلٹ ون روڈ گام ءَ چہ پُرشانیں موہ ھاصل بنت۔آہاں گوشت کہ ملک ءِ تہ اقتصادی کارآنی ودکی ءِ آسرا مئے توانائی ءِ لوٹ ودگ انت ءُُ توانائی ءِ لوٹ ءِ سرجمی ءِ ھاترا تاپی منصوبگ ءَ سرجم کنگ بیت بلکہ اے وڈیں لہتیں نوکیں منصوبگ ھم بنگیج کنگ بنت۔آہاں گوشت کہ پاکستان ءِ اَستیں سرکار توانائی ءِ بحران ءِ ھلاسی ءِ ھاترا یکجائیں گامگیج چست کتگ انت ،گوستگیں چار سال ءِ وھد ءُُ پاس ءَ راجی گرڈ ءِ تہ 10ہزار میگاواٹ توان ھوار کتگ انت، 2019ءِ تاں پاکستان ءِ تہ 2500 کلومیٹر دراجیں موٹرویز ساڑی بنت۔پاکستان وتی جیڈھ ءَ گرودار کنان ءَ اقتصادی دیمرئی زرت انتءُُ گوزوکیں مالی سال ءِ ھاترا راجی معیشت ءِ شرح نمو 6درسد ءَ تاں سر بیت۔ آہاں گوشت کہ چین ءِ کمک ءَ گوں بنگیج کتگیں چین پاکستان اقتصادی راہداری منصوبہ (سی پیک) دمگ ءِ ملکانی وت مہ وتی رھوت ءَ ودکی دات وھدیکہگوادر بندن ءَ چہ بیوکیں اقتصادی کارانی آسر ءَ میانی ایشیاءِ ملکانی رھوت ءَ گیش کنگ بیت۔آہاں گوشت کہ سی پیک ءِ رداموٹرویز ءِ جوڈ ءَ چہ دگ ءِ وسیلگ ءَ رھوت ءِ آسر ءَ دمگ ءِ معاشی دیمرئی کئیت۔آہاں گوشت کہ پاکستان ءِ تہ زرکاری ءِ مزنیں موہ ساڑی انت ءُُ زرکاراں ءَ زرکاری ءِ رکھگ ،نپ ءُُ پائدگ ءِ دیم دیگ ءِ ھوار امن ءُُ ایمنی ءُُ گہبودی ءِ ضمانت دیگ بوھگ انت۔مزن وزیرءَ گوشت کہ تاپی گیس منصوبگ ءُُ انرجیءُُ کمیونیکیشن کوریڈور ءِ منصوبگ ءَ سرجم کنگ ءِ ھوالہ چہ دراھیں شراکت داراں ءُُ حاص کر تاپی منصوبگ ءَ راستیں دروشم دیگ ءِ ھاترا ایشیائی ترقیاتی بینک ءِ کمک ستا ءِ لائق انت۔مراگش ءَ ترکمانستان ءِ صدر قربان گل بردی محمدوف‘ افغان صدر ءُُ بھارتی واکدار اں ھم بہر زراتگ۔ وزیر مملکت جام کمال خان ھم مزن وزیر ءَ گوں ھمبراہ ات۔
