مزن وزیر شاہد خاقان عباسی ءِ ترکمانستان ءِ سیم سرئی شہر سرحت آباد ءَ تاپی ءُُ ایندگہ منصوبگ آنی بنداتی مراگش ءَ ترکمان ءُُ اوگان صدر آنی آنی ھمبراھی ءَ بھر زوری
ترکمانستان، اوگانستان ، پاکستان پاور لائن منصوبگ ءِ رد ءَ چار ءُُ بچار آنی سرءَ دست چنگل جنگ بوت
پاکستانی دود ءُُ ربیدگی ازم ءِ درشان کت
اسلام آباد ۔ 23 فروری (اے پی پی) مزن وزیر شاہد خاقان عباسی ءَ آدینگ ءِ روچ ءَ ترکمانستان ءِ سیم سرئی شہر سرحت آباد ءَ ترکمانستان اوگانستان، پاکستان ، بھارت گیس پائپ لائن منصوبگ (تاپی) ءِ چیر دستی ءَ فائبر آپٹک ءُُ توان ءِ شنگ ءُُ تالانی لائن آنی منصوبگ آنی بنگیجی مراگش ءَ بھر زوری کت۔اے منصوبگ آنی بنگیج ءِ ایش اولی بھر اِنت۔ مراگش ءَ ترکمانستان ءِ صدر بردی محمدوف، اوگانستان ءِ صدر اشرف غنی، بھارت ءِ وزیر مملکت برائے درئی کار ایم جے اکبر ءُُ ایندگہ ٹوھیں کارندہ ھم اے موہ ءِ سر ءَ ساڑی اتنت۔ اے موہ ءِ سرءَ ترکمانستان، اوگانستان ، پاکستان پاور لائن منصوبگ ءِ رد ءَ چار ءُُ بچار آنی سر ءَ دست چنگل جنگ بوت۔ مراگش ءَ پاکستان ءِ دود ءُُ ربیدگی ازم ءِ منصوبگءِ باسکیں ایندگہ ملک آنی دود ءُُ ربیدگی مردم آنی ھمبراھی ءَ وتی ازم ءِ درشان کت۔
