پاکستانءَ جنگلاتءِ بحالی ءُ سرسبزیں پاکستان منصوبہءِ ردءَ 3.652ارب کلدار ءِ ھرچءَ چہ پنچ سالانی تہا 100ملین درچک کشگءِ منظوری دیئگ بوتگ
موسمیاتی مٹءُ بدلی ءِ بنجاھی وزیرءُ سینیٹر مشاہداللہ خان ءِ ایوان بالاءَ پسو
اسلام آباد۔22فروری (اے پی پی) موسمیاتی مٹءُ بدلی ءِ بنجاھی وزیرءُ سینیٹر مشاہداللہ خان ءِ ایوان بالاءَ پسوداتگءُ گشتگ کہ پاکستانءَ جنگلاتءِ بحالی ءُ سرسبزیں پاکستان منصوبہءِ ردءَ 3.652ارب کلدار ءِ ھرچءَ چہ پنچ سالانی تہا 100ملین درچک کشگءِ منظوری دیئگ بوتگ ۔ سرجمیں ملک ءَ درچک کاری سُرءُ ُ پُر جار ی اَنت۔ پنچ شمبے ءِ روچءَ ایوان بالا ءَ جستءُ پُرسءِ وھدءَ سینیٹر احمد حسن ءِ جستءِ پسوءَ آئیءَ ھال داتگ کہ دگءُ کورانی کنارگ ءَ درچک کشگ ، کونیں درچکانی بحالی ءُ دگہ نیوگءِ درچک کشگ ھوار بازیں گامگیج کنگ بوھگ ءَ اِنت۔ 2017-18ءِ تہا اے ھوالگءَ 605.172ملین کلدار ایر کنگ بوتگ کہ ایشانی تہا 242.068ملین کلدار جاری کنگ بوتگ اَنت ءُ 240.424ملین کلدار ھرچ کنگ بوتگ اَنت۔
