گوازوکیں مالی سال ءَ اسلام آبادءَ وروکی ءِ نادراھ جاھءِ ھاترءَ 200ملین کلدار ایر کنگ بوتگ
کیڈءِ ملکی وزیر ڈاکٹر فضل چوہدری ءِ ایوان بالاءَ پسو
اسلام آباد۔22فروری (اے پی پی) ایوان بالا ءَ را ھال دیئگ بوتگ کہ مالی سال 2017-18ءَ اسلام آبادءَ وروکی ءِ نادراھ جاھءِ ھاترءَ 200ملین کلدار ایر کنگ بوتگ۔ پنچ شمبے ءِ روچءَ ایوان ءَ جستءُ پُرس ءِ وھدءَ سینیٹر سراج الحق ءِ جستءِ پسوءَ کیڈءِ ملکی وزیر ڈاکٹر طارق فضل چوہدری ءَ ھال داتگ کہ پنچ ارب کلدارءِ پی سی ون کیڈ ءَ را پیش کنگ بوتگ تنکہ آ منصوبہ بندی ڈویژن ءَ را دیم بہ دنت۔ منصوبہ بندی ڈویژن ءَ پی سی ون ءِ بازیں کارانی سرءَ باستءُ واست کتگ نوں سی ڈی ڈبلیو ءِ منظوری ءِ ودار اِنت۔
