اسلام آباد۔22فروری (اے پی پی) پاکستان مسلم لیگ(ن) ءِ رہنما ءُ راجی اسمبلی ءِ باسک کیپٹن (ر) محمد صفدر ءَ گشتگ کہ مزن گس اولی روچءَ چہ وت واک اِنت بلے لھیں مردم مزن گسءَ نہ من اَنت، اے وڈیں پیسلہ مشرفءِ دورءَ ھم اَتکگ اَنت، نواز شریف ءِ وزارت ھم پچ گرگ بوتگءُ جلاوطن ھم بوتگ، نواز شریف ءَ را ہائی جیک کتگءُ قلاتءَ بندکنگ بوتگ۔ احتساب آمید گسءَ ڈن ءَ ھال درءَ گوں گپءُ تران کنانءَ کیپٹن (ر) محمد صفدر ءَ گشتگ کہ 70سال ءَ بدتریں بیر گرگ بوھگءَ اِنت ، مہ ریاستءِ ھاترءَ دعا لوٹ اَنت، نوں مردم مزن گسءِ حفاظت ءُ مزنی ءِ ھاترءَ کوشست کنگءَ اَنت، 20کروڑ اُلس مزن گسءَ را مھکم کن اَنت نواز شریف ءِ پارٹی ءِ سروکی ءِ ھلاپ ءَ پیسلہ ءِ ھوالگءَ چہ جستءِ سرءَ کیپٹن (ر) محمد صفدر ءَ گشتگ کہ اے وڈیں پیسلہ مشرفءِ دورءَ ھم اَتکگ، نواز شریف ءِ وزارت ھم پچ گرگ بوتگ ءُ جلاوطن ھم کنگ بوتگ، نواز شریف ءَ را ہائی جیکر کنگ بوتگءُ اٹک قلاتءَ بند کنگ بوتگ۔ آئیءَ گشتگ کہ جسٹس نسیم حسن شاہ ءِ کیس میاں اوستمانی نامداریں کیس اِت، آئیءَ ھما وھدءِ صدرءِ ھلاپءَ پیسلہ داتگ۔ آئیءَ یک جستے ءِ پسو ءَ گشتگ کہ سھورءُ سانگ عمران خانءِ وتی جندءِ ذاتی جیڑھ اِت ایشی ءِ سرءَ گپ کنگ نہ لوٹ اَنت ، عمران خانءَ کہ ھرچ زالبولءِ گوما آروس کتگ آھانی عزتءَ ھم بہ کنت،فواد چوہدری ھمک گچین کاری ءِ تہا پارٹی ءَ مٹ کنت۔
