اسلام آباد ۔ 21 فروری (اے پی پی)رائل ملائشین نیوی ءِ چیف ایڈمرل تان سری احمد قمرالزمان حاجی احمد بدرالدین ءَ پاک بحریہ ءِ سروک ءَ گوں گند ءُُ نند کت ءُُ لاہور ءُُ کراچی فیلڈ کمانڈز ءِ تر ءُُ تاب ھم کت۔ جارچین پاک بحریہ ءِ رد ءَ رائل ملائشین نیوی ءِ چیف ایڈمرل تان سری احمد قمر الزمان حاجی احمد بدرالدین پاکستان ءَ پاکستان ءِ سرکاری تر ءُُ تاب ءِ ساھت ءَ نیول ہیڈ کوارٹرز اسلام آبادءَ پاک بحریہ ءِ سروک ایڈمرل ظفر محمود عباسی ءَ گوں گند ءُُ نند کت۔ تر ءُُ تاب ءِ دومی بھر ءَ ایڈمرل تان سری احمد قمرالزمان حاجی احمد بدرالدین ءَ لاہور ءُُ کراچی ءَ استیں پاک بحریہ ءِ نیول فیلڈ کمانڈز ءَ گوں گند ءُُ نند کت۔ شرپ مندیں مہمان آں پاکستان نیوی وار کالج لاہور ءِ تر ءُُ تاب کت ءُُ کمانڈنٹ پی این وار کالج ریئر ایڈمرل نوید احمد رضوی ءَ گوں گند ءُُ نند کت۔ کراچی ءِ تر ءُُ تاب ءِ ساھت ءَ رائل ملائشین نیوی ءِ چیف ءَ کمانڈر کراچی ریئر ایڈمرل اطہر مختار،کمانڈر کوسٹ ریئر ایڈمرل معظم الیاس ءُُ کمانڈر پاکستان فلیٹ ریئر ایڈمرل محمد امجد خان نیازی ءَ گوں جتا جتائیں گند ءُُ نند کت۔ گند ءُُ نند ءِ ساھت ءَ کزبی کار ءُُ دو نیمگی آپی شریکداری ءِ سرءَ ھیال ریچی کنان ءَ رائل ملائشین نیول چیف ءَ پڑ ءَ ایمنی ءِ برجائی ءِ واستہ تیابی ناشرکاری ءُُ ڈنگی ءِ ھلاپ ءَ آیوکیں باندات ءِ کمکی شریکداری ءِ وسیلگ ءَ را دل یکیمی جوڑ کنگ ءَ پاک بحریہ ءِ جزم ءُُ ازمت آناں ساڑات۔ ایڈمرل تان سری احمد قمرالزمان حاجی احمد بدرالدین ءَ مزارِ قائد ءِ سر ءَ پُل آنی چادر چیر گیتک۔ ایشی ءَ پد شرپ مندیں مہمان آں پاک بحریہ ءِ جتا جتائیں اسٹبلشمنٹس ءُُ جہاز آنی تر ءُُ تاب ھم کت۔ رائل ملائشین نیول چیف ءِ اییش تر ءُُ تاب پاکستان ءُُ ملائشیاءَ وت مہ وتی دیمپانی شریکی ءَ ھاسیں رنگ ءُُ دوئیں ملک آنی زرّئی اُرد آنی نیام ءَ ھاسکر گیش برجائی ءِ سبب جوڑ بنت۔
