اسلام آباد۔21فروری (اے پی پی) کیڈ ءِ ملکی وزیر ڈاکٹر طارق فضل چوہدری ءَ گشتگ کہ مزن گس یک مزنیں ادارگ اِت ، دراھیں راجی جیڑھ آنی سرءَ کانود جوڈکنگ مزن گسءِ ھک اِنت ءُ مزن گسءِ اے فورمءِ سرءَ جیڑھءُ جنجالانی گیشءُ گیواری ءِ ھاترءَ باستءُ واست کنگ ھم مزن گسءِ باسکانی ھک اِنت۔ چارشمبے ءِ روچءَ یک نجی ٹی وی چینل ءَ گوں گپءُ تران کنانءَ آئیءَ گشتگ کہ دراھیں راجی ادارگ آئین ءِ تہا کار کنگءَ اَنت ءُ اے گپ ءِ اوست دیئگ بوتگ کہ ایچ ھاسیں کانود جوڈ کنگ نہ بیت۔ یک جستے ءِ پسوءَ آئیءَ گشتگ کہ پیسرگیں مزن وزیر محمد نواز شریف ءَ را تنا یک اقامہ ءِ بنیاتءَ نابود کنگ بوتگ آئیءَ ھلاپءَ ایچ وڈیں کرپشن کنگءِ ایچ بھتان نیست۔ ملکی وزیر سرپد بوتگ کہ ملکی معیشت ءِ مھکمی ءِ ھاترءَ چے کنگی اِنت ءُ ھمے سوب اِنت کہ آئیءَ ملک ءِ تہا آشوب آرگءِ ھاترءَ پاک چین اقتصادی راہداری وڈیں گیم چینجر منصوبہ بندات کتگ۔ آئیءَ گشتگ کہ مردماناں وتی دوستیں سروک محمد نواز شریفءِ گوما دلی ھُبءُ واھگ است ھمے ھاترءَ محمد نواز شریفءَ را اُلسءِ دلاں چہ درکنگ نہ بیت۔ آئیءَ گشتگ کہ وتی جوانیں کارءُ کردءِ ھوالگءَ چہءُ 5سالانی جوانیں کرد پیش دارگءِ بنیاتءَ پاکستان مسلم لیگ (ن) آؤکیں گچین کاری مزنیں کساسےءَ گوں باج بارت۔
