اسلام آباد۔21فروری (اے پی پی ) الیکشن کمیشن ءَ تحریک انصاف ءِ سروک عمران خان ءِ ھلاپ ءَ ضمنی گچین کاری ءِ تہا گچین کاری ضابطہ اخلاق ءِ ھلاپ ورزی ءِ سرءَ کیسءِ گوشدارگ 19مارچ ءَ مھتل کتگ ھمے روچءَ گپاں گوشداریتءُ پیسلہ کنگ بیت۔ الیکشن کمیشن ءَ چارشمبے ءِ روچءَ راجی اسمبلی ءِ تہا بازیں حلقہ آنی تہا ضمنی گچین کاری ءِ تہا ضابطہ اخلاق ءِ ھلاپ ورزی ءِ کیس ءِ گوشدارگ ءِ عمران خانءِ نیمگءَ چہ شاہد گوندل پیش بوتگ کہ آھاں الیکشن کمیشن ءَ ر ا جوڈ کتگ کہ ا ے کیس لاہور ہائی کورٹ ءِ تہا زیر التوا اِنت ۔ ایشی ءِ سرءَ کمیشن ءَ کیس ءِ گوشدارگ تاں 19مارچ ءَ مھتل کتگءُ گشتگ کہ ھمے روچءَ کیس ءَ گوشداریتءُ پیسلہ کنگ بیت۔ ایشی ءِ گوما این اے 120ءِ تہا ضابطہ اخلاق ءِ ھلاپ ورزی ءِ سرءَ کیپٹن(ر) محمد صفدر ءُ دگرءِ ھلاپ ءَ کیسءِ گوشدارگ ھم 19مارچءَ مھتل کنگ بوتگ۔
