اسلام آباد۔21فروری (اے پی پی) سرکاری سکیم ءِ ردءَ حج اُمیت وارانی جم کتگیں زرانی سرءَ راجی بینک آناں یک روچے یک کروڑ 65لکھءَ چہ گیش ءِ نپ بوھگءَ اِنت۔ وزارت مذہبی امورءِ گشگ اِنت کہ حج قرعہ اندازی 26جنوری ءَ بوھگی بوتگ ۔ حج پالیسی ءِ تہا حج کوٹہ ءِ بھر ءُ بانگءَ را لاہور ، سکھر ءُ سندھ ہائی کورٹ ءَ پرائیویٹ ٹو ور آپریٹرز ءَ چیلنج کتگ کہ آئیءِ سوبءَ چہ حج قرعہ اندازی مھتلی ءِ آماچ اِنت۔ وزارت مذہبی امور ءَ مزن شاہ آمید گس ءَ دزبندی جم کتگ کہ دراھیں مقدمہ یکجاھ کنگ بہ بنتءُ اسلام آباد مزن آمید گس ءَ وزارت مذہبی امور ءِ مؤقف ءَ را گوشدارگ بہ بیت۔ وسیلگ ءِ گشگ اِنت کہ تاں انوں اے کیس ءِ رمس ھال دیئگ نہ بوتگ۔ حج قرعہ اندازی ءِ تہا مھتلی ءِ سوبءَ چہ حاجی آنی بینک آنی تہا جم ارباں کلدار ءِ زرّانی سرءَ یک روچے کروڑ 65لکھءَ چہ گیش ءِ نپ بوھگءَ اِنت۔ قرعہ اندازی ءِ تہا امیچو گیش مھتلی بیت ایشی ءِ پاھدگ بینک آناں بیت۔ وسیلگ ءِ گشگ اِنت کہ حج آپریشن ءِ تہا مھتلی ءَ چہ جیڑھ ءُ جنجال پیداک بنت وھدے کہ خطہ ءِ دگہ بازیں ملک آں دراھیں بندوبست سرجم کنگ بوتگ اَنت۔
