مزن وزیر شاہد خاقان عباسی ءِ ’’ ہیڈ سٹارٹ وانگ جا ھ ‘‘ ءِ نودربرانی ڈلءَ گوں گپءُ تران

مسلم لیگ (ن) ءِ حکومت ءَ جوانیں کردءِ کتگءُ اُلسءَ گوں کتگیں سوگند پیلو کتگ اَنت، حکومت چاگردءِ نیزوریں تبک ءِ پلگارگءِ ھاترءَ کانودیک گامگیج کنگءَ ھوار دراھیں گامگیج ءَ کنگءَ اِنت
اسلام آباد۔21فروری (اے پی پی) مزن وزیر شاہد خاقان عباسی ءَ گشتگ کہ پاکستان مسلم لیگ (ن) ءِ حکومت ءَ جوانیں کردءِ کتگءُ اُلسءَ گوں کتگیں سوگند پیلو کتگ اَنت، حکومت چاگردءِ نیزوریں تبک ءِ پلگارگءِ ھاترءَ کانودیک گامگیج کنگءَ ھوار دراھیں گامگیج ءَ کنگءَ اِنت مزن وزیر شاہد خاقان عباسی ءِ ’’ ہیڈ سٹارٹ وانگ جا ھ ‘‘ ءِ نودربرانی ڈلءَ گوں گپءُ تران کنانءَ کتگ کہ آھاں چارشمبے ءِ روچءَ مزن وزیر کارگس ءَ گندءُ نند کتگ۔ اے گندءُ نند ورناھیں رہنما ءُ بازیں سرکاری ءُ نجی ادارگ آنی نودربراں مزن وزیر کارگس ءَ لوٹارینگ ءُ حکومت ءِ مزنیں تریں کارگسءِ کارانی ھوالگءَ سرپدی دیئگ ءِ ھوالگءَ گامگیج کنگ ءِ بھر بوتگ۔ مزن وزیر ءَ نودربرانی گوما گپءُ تران کتگ کہ آھاں سیاسی جیڑھ ءَ چہ بہ گر دری کارانی پالیسی ءُ اقتصادی جیڑھ ءَ تاں بہ گر بازیں سماجی جیڑھ ءِ ھوالگءَ بازیں جستءُ پُرس کتگ۔ سی پیک منصوبہ ءِ ھوالگءَ جستانی پسو داتگءُ مزن وزیرءَ گشتگ کہ سی پیکءِ منصوبہ وتی مواصلاتی ڈھانچہ ءُ صنعتی دیمروئیءَ ھوار نہ تنا روبرکتی چین ءُ وسطی ایشیائی ریاست آں ھوار سرجمیں خطہ ءَ را مواصلاتی نزیکی پھجارین ایت بلکیں ملکءِ اُلس ءِ ھاترءَ بازیں اقتصادی ءُ روزگارءِ موھ پیداک کنت۔ لوگی مڑءُ جنگ ءِ وئیل ءِ گرءُ دارءُ خواجہ سرا نی وڈیں نیزوریں تبک ءِ رکھینگ ءِ ھاترءَ بازیں گامگیج چست کنگءِ ھوالگءَ گپءُ تران کتگءُ مزن وزیر ءَ گشتگ کہ حکومت چاگردءِ نیزوریں تبک ءِ رکھینگءِ ھاترءَ کانودی گامگیج کنگءَ ھوار دگہ بازیں گامگیج چست کنگءَ اِنت۔ مُچ جاورھالانی ھوالگءَ گپءُ تران کنان مزن وزیر ءَ 2013ءَ حکومت سنبھالگءَ پد مسلم لیگ(ن) ءِ حکومتءَ بازیں پڑآنی تہا گہتری آؤتگ۔ مسلم لیگ(ن) ءِ انوگیں مدت ءِ تہا ھاصل بوتگیں سوبمندی ءُ دیمروئی گوستءَ چہ گیش اَنت۔ آئیءَ گشتگ کہ مسلم لیگ نون ءِ حکومت ءَ گہتریں کرد پیش داشتگ ءُ اُلس ءَ گوں کتگیں وتی سوگند پیلو کتگ۔ نودربراں گندءُ نند ءُ ھیالءُ لیکہ دیئگ ءَ مزن وزیر ءِ شگرءُ منت گپتگ۔