اسلام آباد۔ 20 فروری (اے پی پی) بُنجاھی وزیر توکی کار پروفیسر احسن اقبال ءَ گوشت کہ ای پولیسنگ ءِ نظام ءِ برجائی ءِ واستہ نوکیں ٹیکنالوجی ءَ سیت زرت کن اِت، پولیس ءِ فزیکل فٹنس ءِ واستہ لیب ءُُ گوازی ءِ برجم دارگ بنت، ملک ءَ ڈن نندوکیں پاکستانی آنی پجار ءُُ پاسپورٹ ءِ بندات ءِ گہتریں آسراتی پُجارینگ بیت۔ اے ھیالانی درشانی آئی ءَ سئے شمبے ءِ روچ ءَ توکی کار آنی وزارت ءِ کار آنی چار ءُُ تپاسی ءِ ساھت ءَ دیوان ءَ گوں گشتانک دیان ءَ کت اَنت۔ دیوان ءَ چیئرمین نادرا، ڈی جی ایف آئی اے ، آئی جی اسلام آباد پولیس ءُُ اسلام آبادضلعی انتظامیہ ءُُ وزارت ءِ کارندہ آں مزنیں کساس ءَ بھر زوری کت۔ وزیر ءِ توکی کار ءَ آئی جی اسلام آباد ءَ را کمیونٹی پولیسنگ ءِ بابت ءَ شور ءُُ سلاھی کمیٹی زوت جوڑ کنگ ءِ پنت ءُُ شون دات۔ وزیر ءِ توکی کار ءِ نیمگ ءَ ایف آئی اے ءَ را ٹورآپریٹرز ءِ لسٹ ءِ چار ءُُ تپاسی زورگ، لسٹ ءَ سرٹیفائیڈ ٹور آپریٹرز ءِ نام آنی درج کنگ ، اسلام آباد لینڈ ریکاٹ کمپیوٹر ائزیشن ءِ سر ءَ کار ترندی ءَ کنگ ءِ پنت ءُُ شون کنگ بوت۔ بُنجاھی وزیر ءَ گوشت کہ آن لائن ویزا ءِ آسراتی ءَ را زوت بندات کنگ بہ بیت، ملک ءَ چہ ڈن پاکستانی آنی پجاری کارڈ ءُُ پاسپورٹ ءِ بندات ءِ گہتریں آسراتی دیگ بہ بیت۔ آئی ءَ گوشت کہ ضلعی انتظامیہ’’ شادی ہال‘‘ آنی وھد ءُُ پاس آنی سر ءَ پابندی ءُُ ون ڈش پالیشی ءِ سر ءَ کار ءَ را دل یکیمی جوڑ کنگ بہ بیت۔
