اسلام آباد۔20فروری (اے پی پی) تعلیمی ادارگ آنی تہا امتناعی بل 2018ءُ نودربرانی لازمی منشیات ٹیسٹ بل 2018ءِ سرءَ گیش شورءُ صلہ ءِ ھاترءَ مھتل کنگ بوتگ۔ سئے شمبے ءِ روچءَ راجی اسمبلی ءِ تہا شاہدہ رحمانی ءَ تعلیمی ادارگ آنی تہا امتناعی بل 2018پیش کنگءِ اجازت لوٹ اِتگ۔ بلیغ الرحمن ءَ گشتگ کہ مارا چہ کس نہ لوٹ ایت کہ تعلیمی ادارگ آنی تہا منشیات ءِ کارمرز کنگ بہ بیت، کروڑاں نودربرانی تپاسی بوت نہ کنت، شرپ داریں باسک بل ءَ واتر بہ زور اَنت۔ اسپیکرءَ گشتگ کہ اے یک ھاسیں ءُ سنجیدگیں جیڑھ اِت ءُ تعلیمی ادارگ آنی تہا منشیات ءِ بہاءُ سیم ءُ کارمرزی دارگ ءِ ھوالگءَ اِنت، ایشی ءَ را مھتل کنااَنت ءُ گیش شورءُ صلہ کن اَنت ءُ درنیامی کشکے در کن اَنت۔ شاہدہ رحمانی ءَ گشتگ کہ سرجمیں ملک ءَ بازیں ناماں چہ دست کپوکیں منشیات ءِ کارمرزی ءَ ورناھ ھوار اَنت، ایشی ءَ را کمیٹی ءَ دیم بدے ، اسپیکر ءَ اے مھتل کتگ۔
