سعودی عرب ءَ اُرد دیم دیئگ ءِ جیڑھءِ سرءَ راستی زانگ ءِ ھاترءَ دیمپانی ءِ وزیر ءَ را آؤکیں دیوانءَ پسو لوٹگ بیت، راجی اسمبلی ءِ اسپیکر

اسلا م آباد۔ 20فروری (اے پی پی ) راجی اسمبلی ءِ اسپیکر سردار ایاز صادق ءَ گشتگ کہ دیمپانی ءِ وزیر ءَ گوں سعودی عرب ءَ فوج دیم دیئگ ءِ جیڑھ ءِ سرءَ راستی زانگ ءِ ھاترءَ آؤکیں دیوانءَ پسو لوٹگ بیت۔ سئے شمبے ءِ روچءَ راجی اسمبلی ءِ تہا نکتہ اعتراض ءِ سرءَ شیریں مزاری ءَ گشتگ کہ دیمپانی ءِ وزیر ایوان ءَ فوج ءِ سعودی عرب ءَ رؤگءِ ھوالگءَ سرپد بہ کنت، چے فوج ءَ را یمن ءَ دیم دیئگ بوھگءَ اِنت۔ اسپیکر ءَ گشتگ کہ دیمپانی ءِ وزیر ءَ را نمدی نبشتہ کنی، 2مارچ ءَ دیوان بیت، 3ءَ سینیٹ ءِ گچین کاری اِنت۔ الیکشن کمیشن ءَ ووٹ ءِ وڈءُ پیم ءَ باسکاناں سرپد کنگءِ ھاترءَ کتابک دیم داتگ۔