اسلام آباد۔20فروری (اے پی پی) اولی زالبول بانک محمودہ ممنون حسین ءَ گشتگ کہ نوکیں نسل ءُ ھاس زھگاناں دینی تعلیمات ءُ وتی دود ءُ ربیدگاں پجار کنگ المی اِنت تنکہ نوکیں نسل ءِ تربیت باز جوانیءَ بہ بیت ۔ اے ھیالانی درشانی آئیءَ سئے شمبے ءِ روچءَ ایوان صدرءَ وانگ جا ھ ءِ نودربراں گوں گپءُ تران کنانءَ کتگ۔ اے موھءِ سرءَ وانگ جاھءِ پرنسپل ، راھ دربر ءُ دگہ مزنیں حکام ھم ساڑی بوتگ اَنت۔ اولی زالبول بانک محمودہ ممنون حسینءَ گشتگ کہ چاگرد ءِ تہا ھیر ءُ وشی شنگ کنگءِ ھاترءَ المی اِنت کہ انسان نماز ءُ صدقہ ءَ را وتی زندءِ بھر جوڈ بہ کنت ءُ وتی آؤکیں نسل آناں ایشی ءِ سکین ءَ بہ دنت چیا کہ نماز ءُ صدقہ ھرابی ءَ ھلاس کن اَنت۔
