اسلام آباد۔ 20 فروری (اے پی پی) ڈپٹی چیئرمین پلاننگ کمیشن سرتاج عزیزءَ گوشت کہ ٹرانسپورٹ ءُُ رسانک ءِ شوبگ ءَ ملک ءِ چاگردی ءُُ اقتصادی دیمروئی ءَ کلیتی رنگ ءِ رپک ءَ پیلو کنگ ءَ اِنت، پیداوار ءِ تہ ءَ گیشی ءِ واستہ جوانیں ٹرانسپورٹ ءِ نظام ءُُ نوکیں بنیات آنی کوکا المی اِنت۔ پلاننگ کمیشن ملک ءَ ٹرانسپورٹ ءُُ رسانک ءَ را نوکیں کاررپک آں گوں نزیک کنگ ءِ واستہ منصوبگ آنی سر ءَ بوھگ ءَ اِنت ایشی ءِ دو دیمی نتیجگ در جنگ بوھگ ءَ اِنت۔ استیں حکومت رسانک ءِ کار رپک ءَ را گہتر جوڑ کنگ ءِ واستہ یک مھکمیں پلانے یے سر ءَ کار کنگ ءَ اِنت۔ اے ھیالانی درشانی آئی ءَ سی ڈی ڈبلیو پی ءِ دیوان ءَ گشتانک دیان ءَ کت۔ سنٹرل ڈویلپمنٹ ورکنگ پارٹی ءِ دیوان ءَ ٹرانسپورٹ اینڈ کمیونیکیشن ءِ 11منصوبگ پیش کنگ بوت ایشی ءِ تہ ءَ وزارت ءِ ریلوے ءِ نیمگ ءَ ریلوے سٹیشن ءِ برجائی ءُُ اپ گریڈیشنءِ واستہ یک ارب 45 کروڑ 92لکھ 9ہزار کلدار ءِ منصوبگ پیش کنگ بوت ایشرا ءَ دیوان ءِ تہ ءَ منظور کنگ بوت۔
