یوتھ پروگرام مسلم لیگ(ن) ءِ حکومت ءِ دلگوشی ءِ عکس اِنت، شاہد خاقان عباسی
پروگرام ءِ چیئرپرسن لیلیٰ خان ءِ مزن وزیر ءَ را شونشت ، سکیم آنی ھوالگءَ سرپد کتگ
اسلام آباد۔19فروری (اے پی پی ) مزن وزیر شاہد خاقان عباسی ءَ مزن وزیر یوتھ پروگرام ءِ بازیں سکیم آنی سرءَ سدکی ءِ درشانی کتگءُ گشتگ کہ 2013ءَ بندات بوتگیں یوتھ پروگرام مسلم لیگ(ن) ءِ حکومتءِ دلگوشی ءِ عکس کشی اِنت کہ آئی ءِ مولءُ مراد ورناھ آناں چاگردءِ جوانیں ءُ پاھدگ مندیں میراث جوڈ کنگ اِنت تنکہ آ ملک ءِ مُچ سماجی ءُ اقتصادی دیمروئی ءِ تہا کمک کرد پیلو کُت بہ کن اَنت۔ آئی ءَ اے گپ دوشمبے ءِ روچءَ مزن وزیر کارگس ءَ مزن وزیر یوتھ پروگرام ءِ ھوالگءَ شونشت داتگءُ گشتگ ۔ مزن وزیر پروگرام ءِ چیئرپرسن لیلیٰ خانءَ مزن وزیر ءَ را پروگرام ءِ بازیں سکیم آنی سوبمندی ءِ ھوالگءَ سرپد کتگ۔ آئیءَ گشتگ کہ اے ورناھ آنی سماجی اقتصادی دیمروئی ءِ ھاترءَ مسلم لیگ(ن) ءِ حکومت ءِ یک مزنیں گامیگج اِت انچو کہ ایشی ءِ 6سکیم آنی ردءَ 11لکھ ءَ چہ گیش مردماں پاھدگ چست کتگ۔ لیلیٰ خانءَ ھال داتگ کہ مزن وزیر ءِ یوتھ بزنس وام سکیم ءِ ردءَ تاں انوں وانندگیں ءُ ہنر مندیں مردین آدمءُ جنین آدم ءُ ورناھ آنی تہا 22ارب کلدارءِ کمءُ گیش 22ہزارءِ وام بھرءُ بانگ کتگ تنکہ ملک ءِ تہا بیپاری ءِ دود گیش کنگ بہ بیت۔ آئی ءَ گشتگ کہ اے بیپاری ورناھ نہ تنا سوبمندی ءِ گوما وتی بیپارءَ دیمءَ برگءَ اَنت بلکیں دگہ بازیں ورناھ آناں روزگار پھجارینگ ءَ اَنت۔ مزن وزیر یوتھ لیپ ٹاپ سکیم ءِ ردءَ سرجمیں ملک ءَ نودربراں 3لکھ ءَ چہ گیش لیپ ٹاپ بھرءُ بانگ کنگ بوتگ وھد کہ 2لکھ گیش ’’ میڈان پاکستان‘‘ لیپ ٹاپ 2018ءِ گڈءَ بھرءُ بانگ کنگ بنت۔ مزن وزیر ءِ یوتھ ٹریننگ سیکم ءِ ردءَ 55ہزار ءَ چہ گیش انٹرنز ءَ را تاں انوں 4900ءَ چہ گیش سرکاری ءُ نجی پڑءِ ادارگ آنی تہا جنگ بوتگ اَنت۔
