اسلام آباد۔19فروری (اے پی پی) ملک ءِ صدر ممنون حسین ءَ گشتگ کہ پاکستانءُ آذربائیجان ءِ نیامءَ اقتصادی کمک ءُ دونیمگی بیپاری ءِ تہا گیشی ءِ بازیں امکانات اَست کہ آھاں چہ دوھیں ملک آناں پاھدگ چست کنگءِ ھاترءَ یکجاھ کار کنگ لوٹ ایت۔ آئیءَ اے گپ آذربائیجان ءِ بیپاریءِ وزیر سمیرشریفوو ءَ گوں گپءُ تران کنانءَ کتگ کہ آئی ءَ وتی ڈل ءِ ھمراھی ءَ دوشمبےءِ روچءَ ایوا ن صدرءَ گندءُ نند کتگ۔ اے موھءِ سرءَ آئی ءَ ملک ءِ صدرءَ را آذربائیجان ءِ صدر امام علی رحمن ءِ ھاسیں کلوھ داتگ۔ ملک ءِ صدر ءَ گشتگ کہ دوھیں براتیں ملک آنی نیامءَ بیپاری ءِ تہا گیشی ءِ ھاترءَ المی اِنت کہ بیپار ءُ صنعت کارانی ڈل یکے دومی ءِ گورءَ بہ رو اَنت۔ آذربائیجان ءِ بیپاری ءِ وزیر سمیر شریفووءَ اے موھءِ سرءَ گشتگ کہ آذربائیجان کشمیر ءِ جیڑھ ءِ سرءَ پاکستان ءِ مؤقفءِ منوک اِنتءُ سرپد بیت کہ اے جیڑھ اقوام متحدہ ءِ سلامتی کونسل ءِ تپاک نامہ ءِ ردءَ گیشءُ گیوار بوت کنت۔ آئیءَ گشتگ کہ آذربائیجان پاکستان ءِ گوما بازیں اقتصادی پڑآنی تہا گیشا ں چہ گیش کمک کنگءِ واھشت مند اِنت۔
