اسلام آباد ۔ 19 فروری (اے پی پی) ڈپٹی چیئرمین پلاننگ کمیشن سرتاج عزیز ءَ گوشت کہ نوکیں ٹیکنالوجی ءِ کمک ءَ توان ءُُ ھاٹیگ ءِ ضلورت ءِ راستیں اندازگ جنگ ءَ کمک رسگ ءَ اِنت، توان ءُُ ھاٹیگ ءِ شنگ ءُُ تالانی ءُُ بھر ءُُ بانگ ءِ نظام ءَ نوکیں ٹیکنالوجی جوڑ کنگ مئے اولی ترجی اِنت۔ حکومت جوانیں ھاٹیگ ءِ نظام ءِ سر ءَ دلگوشی دیگ ءَ اِنت۔ آئی ءِ گیش گوشگ اَت کہ ھاٹیگ ءِ شوبگ ءَ جندی شوبگ ءِ دلبڈی کنگ ءَ آں۔ دوھزدھمی پنچ سالی دیمروئی منصوبگ ءِ سرءَ کار ءِ بندات کنگ بوتگ، دوھزدھمی پنچ سالی منصوبگ ءَ توان ءُُ ھاٹیگ ءِ نظام ءُُ انفرانسٹرکچر ءَ نوک جوڑ کنگ ءَ المی ایں گامگیج ءِ در جنگ بوھگ ءَ اِنت۔ سرتاج عزیز ءَ گوشت کہ ھاٹیگ ءِ کمیگ ءِ ھلاسی ءِ بنداتی بھر سرجم کنگ بوھگ ءَ اِنت، دیم ءِ بھر ءَ نظام ءُُ ایشی ءَ گہتری آرگ بیت۔ آ سی ڈی ڈبلیو پی ءِ دیوان ءَ گشتانک دیان اَت۔ دیوان ءَ ھاٹیگ ءِ بابت ءَ بازیں منصوبگ آنی منظوری دات۔ دیوان ءَ ھاٹیگ ءِ ھوالگ ءَ یک المی ایں ھاٹیگ ءِ 2منصونگ پیش کنگ بوت ایشی ءِ تہ ءَ سکھی کناری، کوہالہ ءُُ محل ہائیڈرو پاور ءَ گوں گوریچانی دمگ آنی تہ ءَ پن تون ءِ پیداوار ءِ واستہ 73 ارب 60 کروڑ 18لاکھ کلدار مالیت ءِ منصوبگ پیش کت ایشی ءَ را دیوان ءَ ایکنک روان دات۔ دیوان ءَ ھاٹیگ ءِ دومی منصوبگ پی پی آئی بی اسلام آباد ءِ دیمروئی ءِ واستہ 6کروڑ 43لکھ 6 ھزار کلدار مالیت ءِ منصوبگ پیش کنگ بوت ایشی ءَ را دیوان ءَ منظور کت۔
