وزیر مملکت اھوالکاری ءُُ شنگ کاری ءُُ راجی مڈی مریم اورنگزیب زھگ آں گوں دست مانجنی ءِ ھلاپ ءَ برجائیں قومی اسمبلی ءِ ھاسیں کمیٹی ءِ چیئرپرسن گچین
نام باسک قومی اسمبلی رومینہ خورشید عالم ءَ گچین کت، زاہد حامد ءَ گوشت
وزیر مملکت اھوالکاری ءُُ شنگ کاریءُُ راجی مڈی مریم اورنگزیب ءِ ھاسیں کمیٹی ءِ دیوان ءَ تران
اسلام آباد ۔ 19 فروری (اے پی پی) وزیر ءِ مملکت اھوالکاری ءُُ شنگ کاری ءُُ راجی مڈی مریم اورنگزیب ءِ زھگ آں گوں دست مانجنی ءِ ھلاپ ءَ برجائیں قومی اسمبلی ءِ ھاسیں کمیٹی ءِ چیئرمین پرسن گچین کنگ بوت۔ ھاسیں کمیٹی زھگ آں گوں دست مانجنی ءِ واکیہ آنی گر ءُُ دار ءِ واستہ استیں کانود ءُُ پراسیکیوشن ءِ کار رپک ءِ چار ءُُ تپاسی ءَ کنت، کانود ءِ تہ ءَ گہتری ءُُ عمل کنگ ءِ ھوالگ ءَ توامیں سٹیک ھولڈر ،صوبائی حکومت ءُُ سول سوسائٹی ءِ نماھندگ آں گوں شور کنگ بیت، کانود ءُُ انساپ، بنی آدم آنی ھک ءُُ وانگ ءُُ زانگ ءِ وزارت کمیٹی ءَ را وتی وتی شور آں پیش کن اَنت، زھگ آں گوں دست مانجی ءُُ جنگ ءِ واکیہ آناں نشان دیگ ءِ ھاترا پڑ ءِ ایندگہ ملک آنی تجروبت ، استیں کانود ءَ چہ سروکی زورگ بیت ءُُ صوبگ آنی تہ ءَ استیں کانود آنی چار ءُُ تپاسی زورگ بیت۔ زھگ آں گوں دست مانجنی ءِ ھلاپ ءَ برجاھیں اسمبلی ءِ ھاسیں کمیٹی ءِ دیوان چیئرمین ءِ گچین ءِ واستہ دو شمبے ءَ پارلیمنٹ گس ءَ برجم دارگ بیت۔ دیوان ءِ ساھت ءَ وزیر ءِ مملکت مریم اورنگزیب ءَ گوں تران کنان ءَ آئی ءَ گوشت کہ کمیٹی اے رد ءَ وتی سپارش آں 30روچ ءِ اندر ءَ گیشین ایت ءُُُ سپیکر قومی اسمبلی ءَ را پیش کنت۔ آئی ءَ گوشت کہ زینب کوش ءِ کیش ءَ آمید گس ءِ نیمگ ءَ زوت پیسلہ دیگ سک باز وشیں گپ اِنت، پنجاپ حکومت ءَ لُکوکیں ساھت ءَ زینب کوش ءِ کیس ءَ را گیوار کت۔ آئی ءَ گوشت کہ توامیں اسٹیک ھولڈر آنی نیمگ ءَ شور ءُُ سلاھ ءَ پد المی ایں کانود ءِ چیر دستی ءَ مٹ ءُُ بدلی کنگ بیت تانکہ آیوکیں باندات ءَ اِچ کس مئے زھگ آنی نیمگ ءَ سلیں چماں گوں نگاہ آں مچار ایت۔ آئی ءَ گوشت کہ سپیکر قومی اسمبلی سردار ایاز صادق ءَ را سلام پیش کنت کہ آئی ءَ زھگ آنی رکھینگ ءِ واستہ سک باز گامگیج چست کنگ ءِ ھاترا کمیٹی برجا کنگ ءِ وھد ءُُ موہ ءِ سرءَ پیسلہ کتگ۔ آئی ءَ گوشت کہ کمیٹی ءِ باسک آں زھگ آں گوں دست مانجنی ءِ بابت ءَ کانود ءُُ پراسیکیوشن ءِ نظام ءَ گہتری آرگ ءِ واستہ جتا جتائیں شور ءُُ مشور پیش کت۔ کمیٹی ءِ باسک آنی تہ ءَ وزیر مملکت توکی کار طلال چوہدری ، قومی اسمبلی ءِ باسک زاہد حامد، شائستہ پرویز، شاہدہ اختر علی، رومینہ خورشید عالم، عذرا فضل پیچوہو ،انجینئر علی محمد خان ایڈووکیٹ، کشور زہرا ءُُ صاحبزادہ طارق اللہ ھوار اتنت۔
