اسلام آباد۔18فروری (اے پی پی) چیف آف آرمی سٹاف جنرل قمر جاوید باجوہ ءَ گشتگ کہ پاکستان ءِ امنءُ ایمنی اوگانستان ءِ امنءُ ایمنی ءِ گوما بندوک اِنت ، آئی ایس پی آر ءِ نیمگءَ چہ شمبے ءِ شپءَ جاری بوتگیں معلوم داری ءِ ردءَ آرمی چیف ءَ میونخ سکیورٹی کانفرنس ءَ گوں تران کتگءُ دمگی ءُ میاں اوستمانی سکیورٹی ءِ ھوالگءَ پاکستان ءِ لیکہ ءِ درشانی کتگ۔ آئی ءَ گشتگ کہ کمیں آسراتی ءَ ابید پاکستان روبرکتی ھمساھگیں ملک اوگانستان ءَ امنءُ ایمنی ءِ ھاترءَ بازیں کوشستے کنگءَ اِنت بلے اے ھما وھدءَ بوت کنت کہ دوھیں ملک آنی سرڈگار یکے دومی ءِ ھلاپ ءَ کارمرز کنگ ءَ مکن کنگ بہ بیت۔ جنرل قمر باجوہ ءَ گیش گشتگ کہ اے وھدءَ 2.7ملین ا وگان لڑءُ بار ی اَست اَنت ءُ تحریک طالبان اوگانستان ءُ حقانی نیٹ ورک آئیءَ را وتی مولءُ مرادءِ ھاترءَ کارمرز کُت کنت۔
