لاہور۔ 17 فروری (اے پی پی) وزیر مملکت برائے ا ھوالکاری ءُُ شنگ کاری ءُُ راجی مڈی مریم اورنگزیب ءَ گوشت کہ 2013ءَ مسلم لیگ (ن) ءِ سروک ءَ الس ءِ گوما کتگیں کول آنی سرجم کتگ، ملک ءَ چہ ناشرکاری ءِ ھلاسی کتگ، کراچی ءِ ایمنی ءَ را برجا کتگ، سی پیک ءِ چیر دستی ءَ اربا ڈالر ءِ سرمایہ کاری بوتگ ءُُ پاکستان ءِ اقتصادی دیمروئی ءِ کول پورا کتگ، الس ءَ را وانگ ءُُ زانگ ءُُ جان سلامتی ءِ آسراتی پُجاری کتگ، ووٹ ءِ شرپ ءُُ ایمنی ءِ برجائی محمد نواز شریف ءَ زانت داتگ، آ ھم 2018ءَ سرجم بیت، ھر کس کہ پارلیمنٹ یا پارلیمان ءِ جوڑ کتگیں کانود ءَ را لگت مال کنگ ءِ تران ءَ کنت، الس ایشی ءِ سرءَ ھم پیسلہ دینت، ملک ءَ اے گپ نوں ھلاس بہ بیت کہ گچین بوتگیں مزن وزیر ءَ را وتی وھد ءُُ پاس ءَ را سرجم کنگ ءَ چہ پیسر لوگ ءَ روان دیگ بہ بیت، 17مزن وزیر آناں وھد ءُُ پاس ءِ سرجم بوھگ ءَ پیسر لوگ ءَ روان دیگ بوتگ۔ لودھراں ءَ نواز شریف، شہباز شریف، آئی ءِ راست ءُُ چپ ءَ مریم نواز ءُُ حمزہ شہباز ساڑی اتنت ایشی ءَ چہ پد اے مردم آنی واستہ کلوہ انت کہ ’’ بچار ءُُ شرم بکن برو‘‘ دومی شہر آنی وڑ ءَ شیخوپورہ ءِ الس محمد نواز شریف ءِ گیشاں چہ گیش وش اتک ءَ کناں، لودھران ءِ الس ءَ انوں زوتاں جہانگیر ترین ءَ را ھرابیں شکست داتگءُُ بامرد آنی سروکی ءِ پیسلہ کتگ، امپائر ءِ لنکُک ءِ ودار کنوکیں ھلاپی مردم آنی کسمت ءَ مایوسی ءَ ابید اِچ نیست، چاگرد ءِ توامیں تبک ءِ مردم آناں پاکستان ءِ دیمروئی ءُُ جمہوریت ءِ کار ءَ را دیمروئی دیوک آنی بابت ءَ ھیال ریچی کنگ لوٹ ایت۔
