اسلام آباد۔ 16 فروری (اے پی پی) وزیر مملکت اھوالکاری ءُُ شنگ کاری ءُُ ادبی ءُُ راجی مڈی مریم اورنگزیب ءَ عائشہ گلالئی ءِ بیان ءَ را دروگ ءُُ بٹاک گوشت آئی ءَ گوشت کہ عائشہ گلالئی ءِ بیان سک باز اپسوزی اِنت ءُُ لائک ءِ مذمت اِنت آئی ءِ بیان سیاسی نامداری ءُُ ارزشت در جنگ ءِ یک پھمیدگیں کوشست اِت، عائشہ گلالئی ءَ تحریک ءِ انصاف وا یل دات بلے اے گل ءِ سروک ءِ سکھارینتگیں دروگ آناں یل نہ داتگ، آ مول ءُُ مراد آنی سبب ءَ ادارگ آنی نیام ءَ ردیگ پیداک کنگ ءِ کوشست ءَ کنگ ءَ اِنت، مسلم لیگ (ن) عائشہ گلالئی ءِ بے سر ءُُ پادیں ءُُ دروگیں الزام آنی ھلاپ ءَ کانودی کمک ءَ زور ایت۔ آدینگ ءِ روچ ءَ عائشہ گلالئی ءِ نیان ءِ پسو ءِ سر ءَ ھیال آنی درشان کنان ءَ وزیر ءِ مملکت مریم اورنگزیب ءَ گوشت کہ عائشہ گلالئی ءِ بیان سک باز اپسوزی ءُُ لائک ءِ مذمت ایگ اِنت۔
