اسلام آباد ۔ 16 فروری (اے پی پی) صدر مملکت ممنون حسین ءَ گوشت کہ آباتی ءِ رد ءَ پاکستان ءِ وڑیں مزنیں ملک ءَ شہری آنی طبی آسراتی آنی پُجاری اگاں سکیں ترندیں کار اِت بلے حکومت ءِ پاکستان ءَ اے رد ءَ کامیاتیں گامگیج کتگ ایشی ءِ کمک ءَ کمو آمدنی کٹوکیں مردم آنی گیشاں چہ گیش آسراتی ءِ پُجاری بوت کنگ ءَ اِنت۔ آئی ءَ اے گپ رائل کالج آف فزیشنز ایڈنبرا ءِ صدر پروفیسر ڈریک بیل ءَ گوں گپ ءُُ تران کنان ءَ گوشت آئی ءَ آدینگ ءِ روچ ءَ ڈل ءِ ھمبراھی ءَ ایوان ءِ صدر ءَ آئی ءَ گند ءُُ نند کت۔ صدر مملکت ءَ گوشت کہ پاکستانی میڈیکل کالجز ءُُ یونیورسٹی آنی گوما رائل کالج ایڈنبرا ءِ کمک ءَ گیشی بوھگ لوٹ ایت تانکہ پاکستانی الاج کنوک آنی ازم ءِ تہ ءَ جوانی یے بہ ایت۔آئی ءَ امیت سہرا کت کہ ڈاکٹر ڈریک بیل ءِ تر ءُُ تاب ءِ پاکستان ءَ چہ وت مہ وتی کمک ءِ تہ ءَ گیشی بیت ءُُ پاکستانی ڈاکٹر دُگنیا ءِ مستریں ادارگ آنی تہ ءَ ھیل کاری ءِ تہ ءَ گیش موہ دیم ءَ کئیت۔ صدر ءِ مملکت ءَ گوشت کہ پاکستان ءَ ڈینگی ءَ ھوار نوکیں بیم ناکیں ھوپ آنی سر ءَ گر ءُُ دار ءِ درگت ءَ سک باز کامیاتیں کوشست بوتگ ایشانی سبب ءَ پاکستان ءَ طبی ادارگ آںی ازم ءِ تہ ءَ گیشی بوتگ ءُُ پاکستانی ادارگ چیلنجز آں گوں گر ءُُ دار کنگ ءَ پیسر ءَ چہ انوں گیش سیت مند بوتگ اَنت۔ اے رد ءَ حکومت ءِ پنجاب ءَ جوانیں منصوبگ جوڑ کتگ ایشی ءِ گہتریں نتیجگ دیم ءَ سہرا بوتگ۔ رائل کالج آف فزیشنز ایڈ نبرا ءِ صدر پروفیسر ڈریک بیل ءَ اے موہ ءِ سر ءَ گوشت کہ ایشی ءِ ادارگ پاکستان ءِ گوما ورنائیں ڈاکٹر آنی ھیل کاری ءِ رد ءَ چار ءُُ بچار کنگ ءَ انت ایشی ءِ پکوئیں رنگ زوت دیم ءَ کئیت اِنت۔
