اسلام آباد ۔ 16 فروری (اے پی پی) صدر مملکت ممنون حسین ءَ ھور ءِ موسم ءِ کشت ءُُ کشاری گامگیج ءِ بنگیج ءِ موہ ءَ تران کنان ءَ گوشت کہ چاگرد ءَ را رکھینگ ءُُ معیشت ءِ برجائی ءِ واستہ جنگل آنی تہ ءَ گیشی ءُُ ایشانی رکھینگ ضلوری اِنت، اے رد ءَ بُنجاھی وزیر مشاہد اللہ خان ءِ سروکی ءَ وزارت ءِ موسمی مٹ ءُُ بدلی جہاد کنگ ءَ اِنت، آئی ءَ اے گپ آدینگ ءِ روچ ءَ ایوان ءِ صدر ءَ صنوبر ءِ پُل ءِ کشگ ءَ چہ بندات کت۔ اے موہ ءِ سرءَ ھاسیں مراگش ءَ گوں تران کنان ءَ آٗی ءَ گوشت کہ وزارت ءِ موسمی مٹ ءُُ بدلی ءِ چیر دستی ءَ ’’گرین پاکستان گامگیج‘‘ موسمی مٹ ءُُ بدلی ءِ گر ءُُ دار ءَ کمکار سہرا بیت۔ اے مکسد ءِ واستہ ملک ءَ گیشاں چہ گیش درچک جنگ بیت ءُُ راجی مڈی ءِ بستار ءَ جنگل آنی پاسبانی کنگ بیت۔ صدر ممنون حسین ءَ گوشت کہ پاکستان جنگل آنی تہءَ گیشی ءِ واستہ میاں اوستمانی برات آنی گوما ھمگام ءَ اوشتاتگ۔ آئی ءَ پنت ءُُ شون کت کہ سڑک، کشت ءُُ کشاری سرڈگار ءُُ ریل گاڑی ءِ لائن آنی نزیک ءَ ھاسیں گامگیج زورگ بیت۔ صدر ءِ مملکت ءَ اے موہ ءِ سرءَ چاگرد ءِ رکھینگ ءِ رد ءَ مشاہد اللہ خان ءُُ آئی ءِ وزارت ءِ ازمت ءِ ساڑا ھم کت۔ بُنجاھی وزیر برائے چاگردی مٹ ءُُ بدلی مشاہد اللہ خان ءَ اے موہ ءِ سر ءَ گوشت کہ جنگل آنی تہ ءَ گیشی ءِ واستہ گرین پاکستان منصوبگ ءِ سر ءَ کار جاڑی اِنت ایشی ءِ چیر دستی ءَ سرجمیں ملک ءَ مزنیں کساس ءَ کشت ءُُ کشاری جاڑی اِنت۔ بُنجاھی وزیر برائے ’’ماحولیات‘‘ ءَ اے موہ ءِ سرءَ صدر مملکت ممنون حسین ءَ را پاکستان ءِ اولی جنگلی زندمان ءِ پالیشی ءِ جوڑ کنگ ءِ بابت ءَ سرپد کت۔ اے موہ ءِ سر ءَ زالءِ اول محمودہ ممنون ءَ ھم ایون ءِ صدر ءِ لان ءَ صنوبر ءِ درچکُک کشت۔
