اسلام آباد۔ 15 فروری (اے پی پی) وزیر مملکت برائے ھزانگ رانا افضل ءَ گوشت کہ مارا 2013ءَ مایوس پاکستان رست ءُُ انوں 2018ءَ دیمروئی کنان ءَ وشھالیں پاکستان اِت، اے رد ءَ مسلم لیگ (ن) ءِ الس گچین کاری ءَ بھر زوری کنت، نیب ءَ وزارت ءِ توکی کار ءَ را ھما نام دات آ ھمک روچ آمید گس ءَ پیش بوھگ ءَ اِنت، اے بابت ءَ پیسلہ وزارت ءِ توکی کار کنت۔ پنچ شمبے ءِ روچ ءَ پارلیمنٹ گس ءِ ڈن ءَ میڈیا ءَ گوں تران کنان ءَ آئی ءَ گوشت کہ لودھراں ءِ ’’ضمنی‘‘ گچین کاری ءَ الس ءَ دل یکیمی ءِ درشان کتگ، السی رایہ سرجمیں ملک ءَ بیت اے رنگ ءَ سرجمیں الس گند ایت کہ کجام گل ملک ءَ را دیمروئی کشک ءَ تیلانک دنت۔ ووٹر مدام پاکستان ءِ ھک ءَ پیسلہ کن اَنت ءُُ نواز شریف ءَ را وتی لیڈر من اَنت چیا کہ آئی ءَ ملک ءَ را دیمروئی ءِ کشک ءَ تیلانک داتگ۔ وزیر ءِ مملکت ءَ گوشت کہ مسلم لیگ (ن) ملک ءِ دُرستاں چہ مستریں گل اِنت۔
